لښکرګاه (پژواک، ۲۰ وری ۹۵): د هلمند ولايت په مرکز لښکرګاه کې د پنځو ولايتونو د فوټبال لوبډلو تر منځ لس ورځنۍ سيالۍ پيل شوې.
د دغه ولايت د لوبو امر غلام غوث داوري وايي چې دغه لوبې د سولې او د قومونو د يووالي په موخه په لاره اچول شوې دي.
هغه زياته کړه چې په دې سياليو کې د کندهار، زابل، نيمروز او فراه ولايتونو يوې يوې او د هلمند دوو لوبډلو ګډون کړى دى.
داوري وايي، هره لوبډله چې ګټوونکي او که بايلونکې وي، خپلو ولايتونو ته به له ځان سره د سولې او د قومونو د نږدې والي پيغام وړي.
د هغه پر وينا، د لوبو پيل تېر ماښام د کرزي په لوبغالي کې وشو، خو د ولايتونو لوبډلې نن لښکرګاه ته رسېږي او په رسمي ډول به نن لوبې پيل شي.
ده وويل چې د دې لوبو لګښت يوه ملي سوداګر هارون پوپل پر غاړه اخيستی، د نورو ولایتونو لوبډلو ته ترانسپورت، د اوسېدو ځای او نور امکانات برابروي.
د هارون پوپل يوه استازي فرهاد داوري پژواک ته وويل، له دې مرستې يې هدف يوازې د ځوانانو تشويق، له نشه يي توکو او جنګ څخه د مخنيوى دی.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن