ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

امريکا په افغانستان کې له بشري حقوقو پر سرغړونو اندېښنه څرګنده کړه

امريکا په افغانستان کې له بشري حقوقو پر سرغړونو اندېښنه څرګنده کړه

author avatar
14 Apr 2016 - 14:25
امريکا په افغانستان کې له بشري حقوقو پر سرغړونو اندېښنه څرګنده کړه
author avatar
14 Apr 2016 - 14:25

واشنګټن (پژواک، ٢٦ ورى ٩٥): امريکا په افغانستان کې د بشري حقونو پر سرغړونو، د قانون حاکميت ته په نه درناوي او له مجازاتو د چارواکو پر معافيت ژوره اندېښنه څرګنده کړه.

امريکا دغه اندېښنه د بشري حقونو په اړه په خپل کلني راپور کې څرګنده کړې چې پرون (د وري ٢٥مه) خپور شوى دى.

په راپور کې راغلي: ((په پراخه کچه د قانون حاکميت ته درناوى نه کول او د هغو چارواکو چې د بشري حقونو په سرغړونو کې تورن شوي، له مجازاتو معافيت په افغانستان کې جدي ستونزې دي.))

د امريکا په دغه راپور کې پر افغان حکومت نيوکه شوې چې د هغو چارواکو او امنيتي مسوولينو پر وړاندې يې جدي اقدامات نه دي کړي او محکمې ته يې نه دي راکش کړي چې له بشري حقونو پر سرغړونو تورن شوي دي.

د بشري حقونو په اړه د امريکا په دغه کلني راپور کې چې د بهرنيو چارو د وزير جان کيري له خوا پرون وړاندې شوی، راغلي چې په افغانستان کې په پراخه کچه تاوتريخوالى، پر ملکي وګړو بې رحمانه بريدونه، د وسله والو مخالفينو د دولت پلوه خلکو وژل، ، د حکومتي ځواکونو له خوا د شکنجې او بې ګناه خلکو بندي کول او پر ښځو باندې د تاوتريخوالي پېښې زيات شوې دي.

دغه راز د امريکا په دغه کلني راپور کې زياته شوې چې په افغانستان کې له بشري حقونو د سرغړونو په لړ کې د امنيتي ځواکونو له خوا له محاکمې پرته د خلکو وژل، نيمګړې څېړنې او د زندانيانو شکنجې، په زندانونو کې د اسانتياوو نه شتون او په جنسي او غير اخلاقي تورونو د ښځو بندي کول شامل دي.

د امريکا د بهرنيو چارو وزارت په راپور کې دغه راز په افغانستان کې په ځنډ سره د دوسيو څېړل، په محاکمو کې فساد او د خلکو له شخصي ازاديو سرغړونې، د بيان له ازادۍ څخه سرغړونې جدي ستونزې يادې شوې دي.

په راپور کې راغلي: ((د افغانستان حکومت په دوامداره او اغېزمنه توګه د تورنو دولتي چارواکو محاکمه نه ده کړې.))

په راپور کې دغه راز پر وسله والو طالبانو تور پورې شوى چې د چاودنو، په ځانمرګو او ډله ييز بريدونو سره د ملکي وګړو او دولتي مامورينو وژلو ته ادامه ورکوي.

سرچينې زياته کړې چې څو مياشتې مخکې د کندوز ښار په نيولو سره وسله والو طالبانو له بشري حقونو څخه ډېرې سرغړونې کړې دي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.