تالقان (پژواک ٣٠ ورى ٩٥): د تخار امنيتي چارواکي وايي، د دې ولايت په درقد ولسوالۍ کې د امنيتي ځواکونو او وسله والو طالبانو ترمنځ نښته کې، ١٢ طالبان طالبان وژل شوي او ٣٥ نور ژوبل دي.
د تخار د امنيې قوماندانۍ وياند سمونيار عبدالخليل اسير پژواک خبري اژانس ته وويل، وسله والو طالبانو نن له غرمې مخکې په يادې ولسوالۍ کۍ د امنيتي ځواکونو پر پوستو پرله پسې بريدونه کړي، چې په شا تمبول شوي دي.
ده زياته کړه: ((په دې نښتو کې ١٢ طالبان وژل شوي او ٣٥ نور ټپيان دي، دغه راز د عامه نظم يو سرتېری وژل شوی او پنځه امنيتي کسان ټپيان دي، چې د عامه نظم او د سيمه ييزو پوليسو سرتېري دي.))
د هغه په وينا، د طالبانو درې مړي د جګړې په سيمه کې پاتې دي.
په ورته وخت کې بيا د درقد ولسوالۍ يو اوسېدونکی شېرمحمد وايي، طالبانو درقد ښار ته نږدې شوي وو، خو د امنيتي ځواکونو له لوري په شا وتمبول شول.
دى زياتوي، په وژل شويو کسانو کې د طالبانو يو مهم قوماندان هم شامل دی، خو هغه يې د نوم له اخيستلو ډډه وکړه.
خو وسله والو طالبانو بيا په دې اړه تراوسه پورې څه نه دي ويلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن