د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د غني خېلو په ځانمرګي بريد کې يو پوليس وژل شوى او ١٠ تنه ټپيان شوي

د غني خېلو په ځانمرګي بريد کې يو پوليس وژل شوى او ١٠ تنه ټپيان شوي

May 12, 2016 - 11:42

لومړى تعقيب- جلال اباد (پژواک، ٢٣ غويى ٩٥): د ننګرهار د غني خېلو ولسوالۍ  کلينيک ته نږدې په يوه ځانمرګي بريد کې د پوليسو قوماندان وژل شوى او لس تنه نور ټپيان شوي دي.

د ننګرهار د امنيې قوماندانۍ وياند سمونمل حضرت حسين مشرقيوال د غويي په ٢٣مه پژواک خبري اژانس ته وويل چې دغه بريد نن له غرمې مخکې شاوخوا يوولس بجې وشو.

هغه زياته کړه چې سيمه ييزو پوليسو ځانمرګى بريدګر  پېژندلى و او کله يې چې د تلاشۍ لپاره درولى و، نو هغه ځان ته چاودنه ورکړه.

مشرقيوال وايي چې په دې پېښه کې يو پوليس وژل شوى او شپږ نور  ټپيان شوي دي.

خو د ننګرهار د عامې روغتيا رييس ډاکتر نجيب الله کامه وال وايي چې په دې پېښه کې يو پوليس وژل شوى، د ملکي وګړو او پوليسو په ګډون ١٠ تنه نور ټپيان شوي دي.

د عبدالقيوم په نوم د غني خېلو ولسوالۍ يوه اوسېدونکي پژواک اژانس ته وويل چې دا پېښه  کلينيک ته نږدې د پله سر په سيمه کې رامنځته شوې ده.

هغه وايي چې په دې پېښه کې د پوليسو تر څنګ ښايي ملکي کسان هم ټپيان شوي وي.

د دولت وسله والو مخالفينو تر اوسه په دې اړه څه نه  دي ويلي.

ورته راپورونه:

نظر ورکړئ

اعلانونه

Advertisement