د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د نادعلي په ځانمرګي بريد کې ۱۶ کسانو ته مرګ ژوبله اوښتې

د نادعلي په ځانمرګي بريد کې ۱۶ کسانو ته مرګ ژوبله اوښتې

May 14, 2016 - 09:21

لومړى تعقيب- لښکرګاه (پژواک، ٢٥ غويى ٩٥): د هلمند په نادعلي ولسوالۍ کې د سيمه ييزو پوليسو د روزنې پر اکاډمۍ شوي ځانمرګي  بريد کې ٤ کسان وژل شوي او ١٢ نور ټپيان دي.

د هلمند د والي وياند عمر ځواک د غويي په ٢٥مه پژواک خبري اژانس ته وويل چې دغه بريد نن سهار شاوخوا اته نيمې بجې د نادعلي ولسوالۍ په دوراهي سيمه کې د سيمه ييزو پوليسو پر اکاډمۍ وشو.
 

هغه زياته کړه چې ځانمرګي بريدګر د فيلډر موټر په وسيله بريد کړى چې له امله يې يو شمېر کسانو ته مرګ ژوبله اوښتې ده خو کره شمېره يې ونه ښوده.

د هلمند امنيه قوماندان مل پاسوال عبدالرحمن سرجنګ پژواک ته وويل چې په دغه بريد کې دوه پوليس وژل شوي، درې پوليس او دوه  د ښوونځي شاګردان ټپيان شوي دي.

خو د يادې ولسوالۍ يوې امنيتي سرچينې پژواک اژانس ته وويل چې په دغه بريد کې درې پوليس وژل شوي او اوه نور ټپیان شوي دي.

د سرچينې د معلوماتو له مخې، وژل شوي او ټپي پوليس ټول د مارجې ولسوالۍ اوسېدونکي دي.

د يادې چاودنې له امله د پوليسو په اکاډمۍ کې ګڼ ملکي او پوځي موټر او د ودانۍ ډېره برخه ويجاړ شوي دي.

دغه راز د يادې اکاډمۍ تر څنګ يو ښوونځى هم شته چې هغه هم زيانمن شوى دى.

د دغه ښوونځي مدير عبدالصبور پژواک اژانس ته وويل چې د چاودنې له امله دوه زده کوونکي ټپیان شوي او د ښوونځي د ودانۍ ټولې ښيښې او کړکۍ ماتې شوې دي.

په لښکرګاه کې د ايمرجنسي روغتون يوې سرچينې پژواک ته وويل چې له يادې پېښې ورته ١٣ ټپيان ور وړل شوي وو، خو يو ټپي په روغتون کې ساه ورکړه.

د ګل احمد په نوم د پېښې يوه عيني شاهد پژواک اژانس ته وويل چې ځانمرګي بريدګر د سيمه ييزو پوليسو جامې اغوستې وې او له چاودېدونکي توکو ډک موټر يې اکاډمۍ ته دننه کړ او چاودنه یې ورکړه.

هغه زياتوي چې تر چاودنې وروسته هرې خوا ته مړي او ټپيان پراته وو، خو کره شمېره ورته نه وه معلومه.

طالبانو د دغه بريد مسووليت پر غاړه اخيستى دى، طالب وياند قاري يوسف احمدي وايي چې په دغه بريد کې ګڼو پوليسو ته مرګ ژوبله اوښتې، خو کره شمېره يې ونه ښوده. 

ورته راپورونه:

نظر ورکړئ

اعلانونه

Advertisement