ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

فارياب کې د مسمويت له امله پنځو کسانو ژوند له لاسه ورکړى

فارياب کې د مسمويت له امله پنځو کسانو ژوند له لاسه ورکړى

author avatar
15 May 2016 - 18:41
فارياب کې د مسمويت له امله پنځو کسانو ژوند له لاسه ورکړى
author avatar
15 May 2016 - 18:41

 ميمنه (پژواک ٢٦ غويى ٩٥): د فارياب پوليس وايي چې د دغه ولايت په غورماچ ولسوالۍ کې د يوې کورنۍ پنځه غړو د مسموميت له امله ژوند له لاسه ورکړى دى.

 د فارياب پوليسو د مطبوعاتو مسوول عبدالکريم يورش په وينا، دغه پېښه پرون د غورماچ ولسوالۍ په ديوانه کارېز سيمه کې رامنځته شوې ده.

 د هغه په وينا، په دغو کسانو کې څلور سړي او يوه ښځه شامل دي، چې د کوهي د اوبو څښلو له امله يې ژوند له لاسه ورکړى دي.

 نوموړي زياته کړه: "د کورني اختلافونو له امله يې د کوهي اوبه په زهرو ککړې کړې وې، چې په پايله کې يې دغه پېښه رامنځته شوې ده."

 خو د فارياب د عامې روغتيا مشر ډاکټر معروف ثمر وويل، چې د غورماچ روغتيايي کلينيک ته د دريو نارينه او يوې ښځې مړي چې د کوهي د ګاز نيونې له امله وژل شوي، راوړل شوي دي.

 ثمر زياته کړه: "دوى د اوبه څاه کيندله، چې لومړى يو کس ګاز نيسي، چې د هغه د رايستلو لپاره دويم، دريم او دغه راز ښځه څاه ته ورښکته کېږي، چې په پايله کې يې څلور واړه ژوند له لاسه ورکوي."

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.