د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

هلمند کې یوه اکمالاتي بهرنۍ الوتکه لوېدلې، نهه کسان په کې وژل شوي

هلمند کې یوه اکمالاتي بهرنۍ الوتکه لوېدلې، نهه کسان په کې وژل شوي

May 19, 2016 - 09:16

کابل- لښکرګاه (پژواک، ٣٠ غويى ٩٥): په هلمند کې یوه بار وړونکې بهرنۍ الوتکه لوېدلې چې په کې نهه بهرني وګړي وژل شوي دي.

د هلمند د والي وياند عمر ځواک د غويي په ٣٠مه پژواک خبري اژانس ته وويل چې دا پېښه پرون ناوخته په ګرمسېر  ولسوالۍ کې رامنځته شوې ده.

هغه زياته کړه چې دغه الوتکه په ياده ولسوالۍ کې د دوېر په نوم د امريکايي ځواکونو په هوايي ډګر کې د کېناستو پر مهال د تخنيکي ستونزو له امله غورځېدلې ده.

ځواک وايي چې په دې پېښه کې مرګ ژوبله اوښتې ده خو ده ته يې کره شمېره نه وه معلومه.

بلخوا د ګرمسېر ولسوالۍ يوې امنيتي سرچينې پژواک اژانس ته وويل چې ياده بار وړونکې الوتکه له غورځېدو مخکې اور اخيستى او بيا لوېدلې ده.

د سرچينې په وينا، په الوتکه کې سپاره ټول کسان وژل شوي دي.

يادې امنيتي سرچينې وويل چې امريکايي ځواکونو د اذربايجان دغه الوتکه کرايه کړې وه او هغوى ته يې اکمالات کول.

بلخوا د اذربايجان رسنيو هم خبر ورکړى چې د دوى د يوه شرکت الوتکه چې په افغانستان کې د بهرنيو ځواکونو له خوا په کرايه نيول شوې وه، لوېدلې ده.

سرچينې زياته کړې چې په دې پېښه کې پنځه د اذربايجان، درې د اوکراين او يو د ازبکستان وګړي چې ټول د الوتکې پيلوټان او کارکوونکي وو، وژل شوي دي.

په افغانستان کې مېشتو بهرنيو ځواکونو تر اوسه په دې اړه څه نه دي ويلي.

ورته راپورونه:

نظر ورکړئ

اعلانونه

Advertisement