د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

باميان کې شپږ طالبان او درې پوليس وژل شوي

باميان کې شپږ طالبان او درې پوليس وژل شوي

May 21, 2016 - 14:52

باميان (پژواک، د غبرګولي لومړۍ نېټه ٩٥): د باميانو په شيبر او سیغان ولسواليو کې پر امنيتي پوستو د طالبانو بريد له امله درې پوليس او شپږ طالبان وژل شوي او د پنځو پوليسو په ګډوڼ ١٥ کسان ټپيان شوي دي.

د باميانو والي وياند عبدالرحمن احمدي پژواک خبري اژانس ته وويل چې طالبانو پرون له سپينو بيرغونو سره، د سيغان ولسوالۍ په دهنه سيغان سيمه او د شېبر ولسوالۍ په سنګپر سيمه کې پر دوو امنيتي پوستو بريدونه وکړل.

نوموړي وويل کله چې مرستندوی ځواکونه د ولايت له مرکزه د پوستو پر لورې ور روان شول، د لارې په اوږدو کې د طالبانو پر کمين برابر شول.

هغه وويل چې له امنيتي ځواکونو سره د طالبانو په نښته کې د يوې امنيتي پوستې د قوماندان په ګډون درې پوليس وژل شوي او پنځه نور ټپيان شول.

د باميان ولايت وياند زياته کړه چې دې نښته کې شپږ طالبان هم وژل شوي، ١٠ نور ټپيان دي او دوه ډلمشران يې نيول شوي هم دي.

نوموړي وويل چې د مولوي سيف الدين په نوم د طالبانو ياد بريد اصلي لارښود هم د ټپيانو په ډله کې دى.

احمدي په دوام وويل چې په دغه بريد کې څه باندې سلو طالبانو برخه اخيستې وه او دغه بريد د بغلان ولايت په تاله او برفک ولسوالۍ کې تنظیم شوى و او له درنې مرګ ژوبلې وروسته طالبان بېرته تاله اوبرفک ته وتښتېدل.

د سيمې يوه اوسېدونکي خداداد وويل چې له تېرې ورځې تر نن سهار پورې د طالبانو او امنيتي ځواکونو تر منځ درنه نښته روانه وه او اوس طالبان غرونو ته پناه وړې ده.

هغه وويل: "دواړو غاړو ته درنه مرګ ژوبله اوښتې ده؛ خو کره شمېره يې راته معلومه نه ده، دواړو غاړو هڅه کړې چې د جګړې په مهال خپل ټپيان او مړي د جګړې له ډګر څخه وباسي."

ورته راپورونه:

نظر ورکړئ

اعلانونه

Advertisement