د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

امریکا د تورخم شخړې د حل لپاره پر خبرو ټینګار وکړ

امریکا د تورخم شخړې د حل لپاره پر خبرو ټینګار وکړ

Jun 16, 2016 - 11:33

واشنګټن (پژواک، ٢٧ غبرګولى ٩٥): امريکا د تورخم په جګړه کې پر اوښتې مرګ ژوبلې اندېښنه ښودلې او له دواړو لورو يې غوښتي چې دغه کړکېچ د خبرو له لارې حل کړي.

د روانې اوونۍ په پيل کې وروسته له هغه په تورخم کې جګړه رامنځته شوه چې پاکستاني ځواکونو د دروازې جوړولو هڅه وکړه او د افغان ځواکونو له خوا يې مخه ونيول شوه.

په دې جګړه کې د افغانستان او پاکستان د سرحدي ځواکونو سرتېرو ته مرګ ژوبله اوښتې ده او تېره شپه د افغان او پاکستاني چارواکو تر منځ له خبرو اترو وروسته هلته اوربند شوى دى.

امريکا د تورخم پر جګړې او رامنځته شوې مرګ ژوبلې اندېښنه ښودلې او له دواړو هېوادونو يې غوښتي ، چې د کړکېچ کمولو لپاره هڅې وکړي.

د امريکا د بهرنيو چارو وزارت وياند جان کربي په واشنګټن کې له خبريالانو سره د خبرو پر مهال د تورخم پر شخړې او هلته د درنو وسلو پر کارولو اندېښنه څرګنده کړه.

هغه زياته کړه:((موږ معلومات ترلاسه کړي چې په دې شخړه کې دواړو لورو ته مرګ ژوبله هم اوښتې ده.))

کربي د افغانستان او پاکستان له چارواکو غوښتي چې پر يادې شخړې خپل اختلافات د خبرو اترو له لارې هوار کړي.

ورته راپورونه:

نظر ورکړئ

اعلانونه

Advertisement