د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

مجددي: اى اېس اى غواړي د کرښې دواړو غاړو ته پراته ولسونه وجنګوي

مجددي: اى اېس اى غواړي د کرښې دواړو غاړو ته پراته ولسونه وجنګوي

Jun 18, 2016 - 14:54

کابل (پژواک، ٢٩ غبرګولى ٩٥): پخوانى ولسمشر او جهادي رهبر حضرت صبغت الله مجددي د تورخم په شخړه کې د افغان ځواکونو مېړانه ستايلې او زياته کړې یې ده چې د پاکستان استخباراتي اداره غواړي د ډیورنډ کرښې دواړو غاړو ته پراته خلک سره وجنګوي.

تېره اونۍ وروسته له هغه د ډيورنډ پر فرضي کرښه تورخم کې نښته وشوه، پاکستان هلته د دروازې درولو هڅه وکړه، خو د افغانستان ځواکونو له خوا یې مخه ونیول شوه، پر دې مهال د دريو ورځو لپاره د دواړو لورو ترمنځ نښته هم وشوه.

په دې نښتو کې د افغانستان او پاکستان يو شمېر سرتېرو ته مرګ ژوبله هم واوښته.

د تورخم لاره تر شپږو ورځو بندېدو وروسته نن د اسناد لرونکو خلکو او سوداګريزو موټرو پر مخ خلاصه شوه.

د پخواني ولسمشر او جهادي رهبر حضرت صبغت الله مجددي له خوا د غبرګولي په ٢٩مه پژواک خبري اژانس ته په رالېږل شوې خبرپاڼه کې راغلي چې پاکستان د تېر په څېر يو ځل بيا پر افغانستان د تېري ناوړه هڅه وکړه.

مجددي د تورخم د ستونزې پر مهال د افغانستان د ملي امنيتي ځواکونو د مېړانې ستاينه کړې او د پاکستان د تېري پر وړاندې د افغان ځواکونو غبرګون يې د پاکستان لپاره د عبرت درس ګڼلى دى.

هغه زياته کړه: ((ما پخوا هم ويلي، اوس يې هم وايم، چې د پاکستان استخباراتي اداره اى اېس اى د افغانستان د ټولو ناخوالو او بدختيو مسووله ده، دغه اداره اوس غواړي چې د دواړو ګاونډيو هېوادونو ولسونه سره وجنګوي.))

د مجددي په وينا، دغه استخباراتي اداره نه يواځې افغانانو، بلکې د خپل هېواد ولسونو ته يې هم ستونزې جوړې کړې دي.

هغه ويلي چې د شوروي اتحاد د يرغل پر مهال پاکستان له مجاهدينو سره د همکارۍ له نومه په استفادې سره په ډېرو برخو کې د افغانستان خاورې ته ننوتلی او اوس بايد افغانان په اتحاد او اتفاق سره له پاکستانه خپله خاوره بېرته ترلاسه کړي.

نښه: 

ورته راپورونه:

نظر ورکړئ

اعلانونه

Advertisement