ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په پېښور کې ١٢٠٠ افغانان نيول شوي

په پېښور کې ١٢٠٠ افغانان نيول شوي

author avatar
23 Jun 2016 - 11:26
په پېښور کې ١٢٠٠ افغانان نيول شوي
author avatar
23 Jun 2016 - 11:26

کابل (پژواک، ٣ چنګاښ ٩٥): پاکستاني پوليسو په تېرو دوو اونيو کې د پېښور ښار په بېلابېلو سيمو کې ١٢٠٠ افغانان نيولي دي.

پاکستاني رسنيو د چنګاښ په ٣مه د ځايي پوليس چارواکو په حواله خبر ورکړى چې ياد کسان د غير قانوني اوسېدو او ا سناد نه لرلو په تور نيول شوي دي.

د پېښور ښار د پوليسو عملياتي قوماندان عباس مجيد مروت ويلي، امنيتي ځواکونو ته يې سپارښتنه کړې چې د هغو افغانانو له ځورولو دې ډډه  وکړي چې له ځان سره قانوني اسناد او د کډوالو ځانګړى کارت ولري.

د ملګرو ملتونو د کډوالو د عالي کمېشنرۍ د معلوماتو له مخې، اوس هم په پاکستان کې شاوخوا يو نيم ميليونه راجستر شوي او يو ميليون غير راجستر افغانان مېشت دي.

په پاکستان کې وروسته له هغه د غير قانوني مېشت افغانانو پر ضد عمليات پيل شول چې دوه کاله مخکې د پېښور پر يوه ښوونځي ډله ييز بريد وشو چې په ترڅ کې يې تر ٣٠٠ زياتو زده کوونکو ته مرګ ژوبله واښته.

د پېښور ښار د پوليسو عملياتي قوماندان عباس مجيد مروت زياته کړې، د دوى د معلوماتو له مخې يو شمېر افغان کډوال ځايي جعلي اسناد جوړ کړي او دوى هڅه کوي چې دغه خلک پيدا او د قانون منګلو ته يې وسپاري.

د يادونې ده، دوه ورځې مخکې پاکستان شاوخوا ٢٤٠ افغانان چې په غير قانوني توګه په دغه هېواد کې اوسېدل افغانستان ته سپارلي وو.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.