د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

امريکا: پاکستان دې د نړيوالو قوانينو په رڼا کې له کډوالو سره چلند وکړي

امريکا: پاکستان دې د نړيوالو قوانينو په رڼا کې له کډوالو سره چلند وکړي

Jun 30, 2016 - 12:14

واشنګټن (پژواک، ١٠ چنګاښ ٩٥): د امريکا متحده ايالات وايي چې په پاکستان کې د افغان کډوالو ستونزې او حالت له نږدې څخه څاري.

دغه څرګندونې د امريکا د بهرنيو چارو وزارت مرستيال وياند مارک ټونر د چنګاښ په ١٠مه،له پژواک خبري اژانس سره په يوه ځانګړې مرکه وکړې.

نوموړي دا څرګندونې په داسې حال کې کړي چې په دې وروستيو کې د پاکستانيو پوليسو لخوا د افغان کډوالو د نيولو او ځورولو لړۍ تېزه شوې ده.

د خپرو شويو راپورونو له مخې، په تېرو دوو اونيو کې پاکستانيو پوليسو له خيبر پښتونخوا ايالت څخه تر ٢٠٠٠ پورې افغان کډوال نيولي او ٥٠٠ يې له تورخم څخه افغانستان ته را اړولي دي.

د امريکا د بهرنيو چارو وزارت مرستيال وياند وايي چې امريکا او نورې نړيوالې موسسې په پاکستان کې د افغان کډوالو حالت له نږدې څاري او په دې اړه له پاکستانيو چارواکو سره په اړيکه کې دي.

هغه زياته کړې: (( موږ د ملګرو ملتونو د کډوالو عالي کمشنرۍ سره په پاکستان کې افغان کډوالو سره د همکاريو په اړه مشورې کوو.))

د نوموړي په وينا، له پاکستانه يې غوښتي چې د نړيوالو قوانينو په رڼا کې دې له کډوالو سره چلند وکړي.

خو مارک ټونر داهم ويلي، دا د پاکستان حق دى چې خپل هېواد د کډوالو په اړه قوانين پلي کړي.

هغه د پاکستان له حکومت او خلکو څخه مننه کړې چې له څو لسيزو راهيسې د نړۍ د تر ټولو زياتو کډوالو کوربه توب کوي .

د ملګرو ملتونو د کډوالو د عالي کمشنرۍ د معلوماتو له مخې، اوس هم په  پاکستان کې يو نيم ميليون راجستر او شاوخوا يو ميليون غير راجستر افغان کډوال مېشت دي.

ټاکل شوې ده چې نن په پاکستان کې د افغان کډوالو دقانوني اوسېدو  موده پاى ته ورسېږي، خو پاکستان پرون دغه موده د شپږو نورو مياشتو لپاره وغځوله. 

ورته راپورونه:

نظر ورکړئ

اعلانونه

Advertisement