ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ولسمشر غني په فرانسه کې پر ملکي وګړو برید وحشیانه جنایت وباله

ولسمشر غني په فرانسه کې پر ملکي وګړو برید وحشیانه جنایت وباله

author avatar
15 Jul 2016 - 10:46
ولسمشر غني په فرانسه کې پر ملکي وګړو برید وحشیانه جنایت وباله
author avatar
15 Jul 2016 - 10:46

کابل (پژواک ٢٥ چنګاښ ٩٥): ولسمشر اشرف غني په فرانسه کې پر ملکي وګړو بريد غندلى او هغه يې وحشيانه جنايت بللى دى.

د فرانسې سوېل لور ته په نيس ښار کې پرون ناوخته، يو تن پر هغو راټولو شويو خلکو موټر خېژولى چې د فرانسې د يوې ملې ورځې د نمانځنې لپاره راټول شوي وو. د راپورونو په حواله، په دې پېښه کې لږ تر لږه ٨٠ تنه وژل شوي او په لسګونه نور ټپيان دي. د دې بريد مسووليت تراوسه پورې چا په غاړه نه دى اخيستى.

د ولسمشرۍ له مطبوعاتي دفتر څخه پژواک خبري اژانس ته په رالېږل شوې خبرپاڼه کې راغلي، چې ولسمشر د دغه ترهګریز برید د سخت غندلو پرمهال وویل، پر ملکي وګړو برید جنایت او وحشیانه عمل دی؛ دغه وحشیانه جنایت نه یواځې د بښنې وړ نه دی، بلکې په هېڅ ډول نه شي توجیه کېدای.

دى وايي: "تروریزم سرحد، نژاد، دین او مذهب نه پېژني، د ټولې سیمې او نړۍ لپاره ګډ تهدید او خطر دی."

نوموړي یو ځل بیا د دغې شومې پدیدې پر ضد د نړۍ د ټولوهېوادونو پر ګډه مبارزه ټینګار وکړ.

د خبرپاڼې په حواله، اشرف غني د فرانسې حکومت او د دغه برید د قربانیانو له کورنیو سره د خپلې ژورې خواخوږۍ او ډاډګېرنې مراتب څرګندوي او ټپیانو ته د بشپړې روغتیا هیله کوي.

له بلې خوا، پخواني ولسمشر حامد کرزي هم ياده پېښه په سختو ټکو غندلې او د عامو خلکو، ښځو او ماشومانو وژل يې ښکاره ترهګري، له انسانيت څخه لرې او د بشري اصولو او موازينو خلاف عمل بللى دى.

ده ويلي: "موږ د افغانستان خلک له کلونو راهيسې له ترهګرۍ، وحشت او هوايي بمبارد څخه ځورېږو او قرباني يې يو او تر هر چا زيات د فرانسې د خلکو غم او درد احساسوو، له هغوى سره په غم کې ځانونه شريک بولو."

نوموړي ټپيانو ته د عاجلې شفا او د وژل شويو کسانو کورنيو ته د صبر غوښتنه کړې ده.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.