د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کاپیسا په اله سای کې نهو ملکي وګړو ته مرګ ژوبله اوښتې

د کاپیسا په اله سای کې نهو ملکي وګړو ته مرګ ژوبله اوښتې

Jul 19, 2016 - 17:16

محمودراقي (پژواک، ٢٩ چنګاښ ٩٥): د کاپيسا په اله ساى ولسوالۍ کې د دولتي ځواکونو او وسله والو طالبانو تر منځ نښته کې درې ملکي وګړي وژل شوي دي.

د اله ساى ولسوال غلام نقشبند صافي د چنګاښ په ٢٩مه پژواک خبري اژانس ته وويل چې نن له غرمې مخکې د ولسوالۍ په بازار کې نښتې شوې وه.

هغه زياته کړه، نښته هغه مهال رامنځته شوه، کله چې د ملي اردو ځواکونه بازار ته د سودا پېرلو په موخه راغلي وو.

ولسوال وايي، وسله والو طالبانو پر ملي اردو ځواکونو بريدونه وکړل او نښتې تر دوو ساعتونو پورې دوام درلود چې درې ملکي وګړي په کې وژل شوي او ٦ نور ټپیان دي.

دغه راز په دې نښته کې يو طالب هم ټپي شوى دى.

د ملکي وګړو د مرګ ژوبلې په اړه ولسوال وايي، دا لا نه ده معلومه چې د چا په ډزو ورته مرګ ژوبله اوښتې ده.

د ولسوالۍ د ابوخېلو سيمې يوه اوسېدونکي خالد پژواک ته وويل، په دې پېښه کې يې پلار ټپي شوى دى.

هغه وايي، ناڅاپه په ښار کې سخته جګړه پيل شوه او خلک په تېښته شول. خلک نه پوهېدل، خو له هر لوري څخه به مرمۍ ورېدلې.

خالد هم وويل چې په دې نښته کې يو شمېر ملکيانو ته مرګ ژوبله اوښتې ده.

وسله والو طالبانو تر اوسه په دې اړه څه نه دي ويلي.

ورته راپورونه:

نظر ورکړئ

اعلانونه

Advertisement