د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د هلمند د خانشين ولسوالۍ سقوط کړى

د هلمند د خانشين ولسوالۍ سقوط کړى

Jul 30, 2016 - 09:51

لښکرګاه (پژواک، ٩ زمرى ٩٥): د هلمند ولایت د خانشين ولسوالۍ د سقوط په اړه ضد و نقیض ادعاوې کېږي.

د هلمند د والي وياند عمر ځواک د زمري په ٩مه پژواک خبري اژانس ته وويل چې تېره شپه په خانشين ولسوالۍ کې سخته جګړه شوې ده.

هغه زياته کړه چې د ولسوالۍ د سقوط په اړه معلومات نه لري، خو دوى يې په اړه څېړنې پيل کړې دي.

بلخوا د خانشين ولسوالۍ يوې سرچينې چې د نوم له څرګندولو يې ډډه کوله، پژواک اژانس ته وويل چې ولسوالۍ د وسله والو طالبانو تر سختو بريدونو وروسته سقوط کړى دى.

د سرچينې د معلوماتو له مخې، ولسوالۍ درې کيلومتره لرې د ملي اردو يوه کمپ ته لېږدول شوې ده.

دې سرچينې وويل چې د تېرې شپې په جګړه کې د ولسوالۍ امنيه قوماندان عبداالرووف او د ملي امنيت مدير ټپي شوي او يو شمېر سرتېرو ته مرګ ژوبله اوښتې ده.

وسله والو طالبانو هم د يادې ولسوالۍ د نيولو خبر ورکړى دى.

طالب وياند قاري يوسف احمدي ويلي چې په دې جګړه کې يې ګڼو دولتي سرتېرو ته مرګ ژوبله اړولې، پوځي وسايل او وسايط يې نيولي دي.

هغه زياته کړې چې په دې جګړه کې دوه طالبان هم وژل شوي او درې نور ټپیان دي.

د يادونې ده، پنځه مياشتې مخکې هم د خانشين ولسوالۍ سقوط کړى و چې وروسته دولتي ځواکونو بېرته ونيوه.

د خانشين ولسوالۍ د سقوط خبرونه په داسې حال کې ورکول کېږي چې د امريکا سيګار ادارې خبر ورکړى چې افغان دولت په تېرو څلورو مياشتو کې پنځه سلنه خاوره له لاسه ورکړې ده.

ورته راپورونه:

نظر ورکړئ

اعلانونه

Advertisement