د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

اروزګان کې د ښځو لپاره پارک جوړېږي

اروزګان کې د ښځو لپاره پارک جوړېږي

Jul 31, 2016 - 17:16

ترينکوټ (پژواک، ١٠ زمرى ٩٥): په اروزګان ولايت کې د يوه ښځينه پارک د جوړولو چارې پيل شوې.

د اروزګان والي محمد نذير خروټي د زمري په ١٠مه د دغه پارک د کار د پرانيستې پر مهال پژواک اژانس ته وويل چې دغه پارک مرکز ترینکوټ ښار د هوايي ډګر ته څېرمه جوړېږي.

هغه زياته کړه چې پر دغه پارک لس ميليونه افغانۍ لګښت راځي او په دريو مياشتو کې به يې چارې بشپړې شي.

والي وايي چې د دغه پارک په جوړېدو سره به د دغه ولايت مېرمنو لپاره د تفريح مناسب ځاى پيدا شي او له خپلو کورنيو سره به په ګډه له دغه پارک څخه ليدنه کوي.

د خروټي په وينا، د دغه پارک د جوړولو لګښت د شهر په نوم يوې موسسې له خوا ورکول کېږي، خو ٢٥ سلنه يې د ښاروالۍ له خوا ورکول کېږي.

ده زياته کړه چې د پارک ځمکه د پخواني امنيه قوماندان جنرال مطيع الله خان د کورنۍ له خوا ښاروالۍ ته په واک کې ورکړل شوې ده.

د اروزګان د ښځو چارو رييسه رڼا سميع وفا پژواک ته وويل چې د دغه پارک په جوړېدو سره به په دغه ولايت کې د ښځو د تفريح لپاره مناسب ځاى پيدا شي.

د هغې په وينا، ښځې به وکولى شي چې د رخصتيو په ورځو کې له خپلو کورنيو سره يو ځاى دغه سيمې ته راشي او خپل وخت تېر کړي.

رڼا وويل چې دغه پارک به د څو مياشتو په موده په معياري ډول ورغول شي، د لوبو ميدانونه او د ناستې لپاره به مناسب ځايونه او د ميله والو لپاره نور اړين ځایونه په پام کې نيول شوي دي.

د شفيقې په نوم يوه مېرمنه وايي چې اوس په ترينکوټ ښار کې د تفريح لپاره هېڅ ځاى نشته او خلک په خپلو کورونو کې بند پاتې دي.

د اروزګان د پخواني امنيه قوماندان ورور رحيم الله خان وايي چې د پنځوس جريبو څخه ډېره ځمکه يې ښاروالۍ ته ورکړې، تر څو د ښځو لپار پارک جوړ کړي.

هغه زياته کړه، دوى چمتو دي چې دې ته ورته نورو بنسټيزو پروژو ته هم خپلې شخصي ځمکې د دولت په واک کې ورکړي.

ورته راپورونه:

نظر ورکړئ

اعلانونه

Advertisement