کابل (پژواک، ١٠ زمرى ٩٥): اجرائيه رياست وايي، د ټويټر پاڼه يې تېره شپه د ناپېژاندو هکرانو له خوا هک شوې او کنټرول یې د دوى د رسنیز او تخنیکي ټېم له لاسه وتلی دی.
له ياد رياسته پژواک خبري اژانس ته په رالېږل شوې خبرپاڼه کې راغلي: "موږ لا هم د یادو هکرانو د هویت او ځای ځایګي په اړه پوره معلومات په لاس کي نه لرو."
سرچينه کاږي، تخنیکي ټیمونه يې هڅه کوي چې د یادې ټویټر پاڼې کنټرول ترلاسه کړي او پاڼه خپل عادي حالت ته را وګرځوي.
سرچينه زياتوي، د تېرې شپې له ۷ بجو نیولې بیا د دې پاڼې تر بیا ترلاسه کېدنې او رغېدنې پورې له یاد ادرسه د هر ډول موادو خپراوی د اجرائیه ریاست او د افغان حکومت د نظر څرګندونه نه کوي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن