کابل (پژواک، ١٩ زمرى ٩٥): د ملي امنيت عمومي رياست، هغه دوه کسان نيولي چې شا وخوا يوه مياشت وړاندې يې يو ١٣ کلن ماشوم تښتولى و.
د ياد رياست له لوري نن (د زمري ١٩ مه) پژواک خبري اژانس ته په رالېږل شوې خبرپاڼه کې راغلي، چې ياد دوه کسان د ملي امنيت د موظفينو عملياتو په ترڅ کې د کابل ښار په شپږمه ناحيه کې له پېژندلو وروسته نيولي دي.
د سرچينې په وينا، يادو دوه کسانو شا وخوا يوه مياشت وړاندې د کابل ښار د دشت برچي له اتفاق ښارګوټي څخه يو ديارلس کلن ماشوم تښتولى و.
په خبرپاڼه کې راغلي، چې نيول شوو کسانو د ياد ماشوم د ازادولو په شرط د هغه له کورنۍ څخه د شپږ سوه زروافغانيو غوښتنه کړې وه، چې انسان تښتوونکي له نېکه مرغه د يادو پيسو له ورکړې وړاندې ونيول شول او نيول شوى ماشوم هم د هغوى له لاسونو وژغورل شو.
په خبرپاڼه کې د يادو کسانو نومونه علي ياور او علي احمد چې د کابل ښار د شپږمې ناحيې اوسېدونکي دي، ذکر شوي خو د هغوى د نيولو وخت ته اشاره نه ده شوې.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن