محمود راقي (پژواک، ١٥ وږى ٩٥): د کاپيسا د لرې کړل شوي امنيه قوماندان په ملاتړ سلګونو کسانو لاريون وکړ.
د کاپيسا د امنيه قوماندانۍ د امنيت امر سمونيار سيد ذاکر هاشمي د وږي په ١٥مه، پژواک خبري اژانس ته وويل، چې د دې ولايت امنيه قوماندان سمونوال محمد فهيم قايم د کورنيو چارو وزارت ته غوښتل شوى دى.
خو هغه وويل، دا لا معلومه نه ده چې دنده يې ځنډول شوې او که ګوښه شوى دى.
د کاپيسا د والي وياند قيس قادري هم وايي، دوى خبر شوي چې امنيه قوماندان د کورنيو چارو وزارت ته غوښتل شوى، خو تر اوسه دوى ته په رسمي ډول څه نه دي ويل شوي.
بلخوا د دې ولايت سلګونو اوسېدونکو د امنيه قوماندان په ملاتړ لاريون وکړ او د محمود راقي او پروان لويه لاره يې د ترافيکو پر مخ تړلې وه.
د لاريون يو تن ګډونوال اميرګل پژواک اژانس ته وويل، له کله راهيسې چې فهيم قايم دلته امنيه قوماندان ټاکل شوى، امنيت ښه شوى او خلک ترې خوشحاله دي.
نوموړي له حکومت څخه وغوښتل، چې هغه په همدې دنده کې وساتي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن