د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کابل په ننني بريد کې د دويمې حوزې امر او يو مرستيال هم وژل شوي

د کابل په ننني بريد کې د دويمې حوزې امر او يو مرستيال هم وژل شوي

Sep 05, 2016 - 17:03

څلورم تعقيب- کابل (پژواک، ۱۵وږى ۹۵): يوه باوري سرچينه وايي چې د کابل ښار د دويمې امنيتي حوزې اړ وند سيمه کې په نننيو ځانمرګو بريدونو کې د دې حوزې امر او يو مرستيال هم وژل شوي دي.

عيني شاهدان او ځينې امنيتي سرچينې وايي، د پوليسو د يادې امنيتي حوزې اړوند د ملي دفاع وزارت مخې ته نن له غرمې وروسته په شاوخوا درې نيمو بجو دوه ځانمرګي بريدونه وشول.

يوې امنيتي سرچينې چې د نوم له څرګندولو يې ډډه کوله، په سيمه کې پژواک خبري اژانس ته وويل چې لومړى يوه بريدګر ځان ته چاودنه ورکړه او کله چې امنيتي ځواکونه سيمې ته ورغلل بل بريدګر ځان والوځاوه.

د عامې روغتيا وزارت د خپرونو رييس محمد اسماعيل کاووسي وايي چې په دغو بريدونو کې وژل شوي پنځه تنه او ټپي شوي ١٣ تنه د کابل ښار ايمرجنسي، څلورسوه بستريز او ابن سينا روغتونونو ته لېږدول شوي دي.

هغه ونه ويل چې ياد وژل شوي او ټپيان څوک دي، دى وايي چې په دې اړه به وروسته معلومات له رسنيو سره شريک کړي.

طالب وياند ذبيح الله مجاهد ويلي چې په ياده سيمه کې د دوى کسانو لومړۍ چاودنه او وروسته  ځانمرګى بريد کړى.

هغه وايي چې په دغو بريدونو کې ګڼ شمېر د ملي دفاع وزارت منسوبين وژل شوي دي.

دا مهال سيمه د امنيتي ځواکونو له خوا کلابنده ده.

په دې اړه نور جزئيات به وروسته خپاره شي.

له بلې خوا ولسمشر اشرف غني دغه پېښه غندلې او ويلي، د افغانستان دښمنان د دغو بريدونو په ترسره کولو سره يو ځل بيا وښودله، چې زموږ د ګران هېواد د پرمختګ دښمنان دي.

له ارګ څخه په خپره شوې خبرپاڼه کې د نوموړي په حواله ويل شوي، چې ترهګرې ډلې د وېرې او وحشت د خورولو، چاودنو او ترهګريزو بريدونو له لارې خپلو شومو موخو ته د رسېدو کوښښ کوي.

ده څرګنده کړې، د افغانستان دښمنانو د هېواد د امنيتي او دفاعي ځواکونو پر وړاندې د جنګ توانايي له لاسه ورکړې، ځکه په لويو لارو، ښارونو، جوماتونو او ښوونځيو کې پر عامو خلکو بريدونه کوي.

ولسمشر د وژل شويو کسانو کورنيو ته د ډاډګيرنې او خواخوږۍ مراتب څرګند کړي او ټپيانو ته يې د خدای تعالی په دربار کې د سالمې روغتيا او قربانيانو ته د فردوس جنت دعا کړې ده.

ورته راپورونه:

نظر ورکړئ

اعلانونه

Advertisement