د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

طالبانو بغلان کې پر څو سيمو بريدونه کړي دي

طالبانو بغلان کې پر څو سيمو بريدونه کړي دي

Oct 03, 2016 - 19:57

پلخمري (پژواک،١٢ تله ٩٥): د بغلان سيمه ييز مسوولين وايي چې طالبانو نن له غرمې وروسته دې ولايت کې يو شمېر سيمو باندې بريدونه کړي  او د هېواد له امنيتي ځواکونو سره په جګړه اخته دي.

د بغلان امنيه قوماندان مل پاسوال اميرګل حسين خيل پژواک خبري اژانس ته وويل چې دا بريدونه نن د مازديګر شاوخوا پنځه بجې پيل شوي دي.

د هغه په وينا، طالبانو د مرکزي بغلان پر ځينو سيمو، قاضي کلي، د صنعتي بغلان اتم سړک او د غوري ډنډ نيازالله کلي کې پلخمري ښار ته څېرمه بريدونه کړي دي او له امنيتي ځواکونو سره په جګړه اخته دي.

د هغه په وينا، دمګړي د امنيتي ځواکونو او طالبانو ترمنځ درنه جګړه روانه ده، خو تر اوسه يې نور جزييات په لاس کې نشته.

همداراز،يوې امنيتي سرچينې چې نه يې غوښتل نوم يې واخيستل شي، وويل طالبانو نن مازديګر د پلخمري – مزارشريف لويه لار د نقليه واسطو د تګ راتګ پر مخ و تړله.

د نيازالله کلي يو تن اوسېدونکي بازمحمد پژواک ته وويل  چې جګړه ددې کلي باغ شمال سيمه کې روانه ده او خلک له دې ځاى څخه د تېښتې په حال کې دي.
پلخمري ښار ته څېرمه د شمرق کلي اوسيدونکي محمد علي وويل چې طالبانو د بوغ ابي سيمه کې د امنيتي ځواکونو پر پوستو بريدونه کړي دي او د خلکو تګ را تګ يې له ستونزو سره مخ کړى دى.

طالبانو تر اوسه په دې اړه څه نه دي ويلي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan