د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسمشر غني : د يو منظم پلان له مخې دې د ټولو کاني سرچينو سروې وشي

ولسمشر غني : د يو منظم پلان له مخې دې د ټولو کاني سرچينو سروې وشي

Oct 03, 2016 - 16:52

کابل(پژواک،١٢تله٩٥): ولسمشر وايي چې د ګازو او نفتو سرچينې دې له اقتصادي او تخنيکي پلوه و ارزول شي او د يو منظم پلان له مخې دې د ټولو کاني سرچينو سروې وشي.

دغه څرګندونې په هغه خبرپاڼه کې شوې دي چې د ولسمشرۍ له مطبوعاتي دفتر څخه د تلې په١٢مه پژواک خبري اژانس ته را لېږل شوې ده.

په خبرپاڼه کې راغلي چې نن له غرمې مخکې د ولسمشر محمد اشرف غني په مشرۍ د اقتصاد عالي شورا غونډه وکړه.

په دې غونډه کې د کانونو او پټروليم وزارت سرپرستې غزال حبيب يار "د افغان ـ تاجک نفتي حوزې د هايدروکاربن د کشف او د توليد دوېش" قرارداد بېلابېل اړخونه تشريح کړل.

د کانونو او پټروليم وزارت سرپرستې وويل، د قراردادي کمپنيو کنسرسيوم (د عربي متحدو اماراتو دراګن ايل، دترکيې تورکيش پټروليم او د افغانستان غضنفر ګروپ) په دغه قرارداد کې تعديل غواړي.

د افغان ـ تاجک حوزه د هېواد په شمال او شمال ختيځ کې پرته ده او په دوولسو بلاکونو وېشل شوې ده، چې له ازبکستان او تاجکستان سره شاوخوا ۳۶۰کيلومتره ګډه پوله لري.

 د دې سيمې قرارداد د ازادې بين المللي دواطلبۍ له لارې د کانونو او پټروليم وزارت او د يادو کمپنيو کنسرسيوم ترمنځ په ۲۰۱۳کال کې لاسليک شوى دى.

دغه راز په دې غونډه کې د ماليې وزير اکليل حکيمي وړانديز وکړ چې ددغو شرکتونو د پانګونو اهميت ته په پام دې يو پلاوی وټاکل شي چې قراردادي کمپنيو سره د قرارداد په تعديل بحث وکړي او د حل لارې يې ولټوي.

د غونډې په پاى کې ولسمشر محمد اشرف غني وويل د دې اړتيا ليدل کېږي چې د ګازو او نفتو سرچينې له اقتصادي او تخنيکي پلوه سمې و ارزول شي او د ارزونو پايلې د اقتصاد عالي شورا ته وړاندې شي.

غني وويل چې بايد د يو منظم پلان له مخې د ټولو کانې سرچينو کره سروې ترسره شي او په دې خاطر دې يوه کمېټه جوړه شي تر څو د هېواد د کاني سرچينو ظرفيتونه وسنجوي.

غني ټينګار وکړ چې د هېواد د ټولو کاني زيرمو په ځانګړي ډول د نفتو او ګازو سرچينې بايد څرګندې نقشې ولري ترڅو مثبته پايله ترې ترلاسه شي.

ورته راپورونه:

نظر ورکړئ

اعلانونه

Advertisement