ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په بغلان کې وسله والو طالبانو او امنيتي سرتېرو ته مرګ ژوبله اوښتې

په بغلان کې وسله والو طالبانو او امنيتي سرتېرو ته مرګ ژوبله اوښتې

پلخمرى (پژواک،۱۶تله ۹۵): د بغلان پوليس د امنيتي ځواکونو پر کاروان د بريد پرمهال ٢٣ وسله والو طالبانو د مرګ ژوبلې خبر ورکوي، خو طالبان بيا امنيتي ځواکونو ته د درنو تلفاتو او زيانونو اړولو ادعا کوي .  

 د بغلان امنيه قوماندان مل پاسوال نور حبیب گلبهاري وايي چې ددولت وسله والو مخالفينو تېره ورځ درې بجې د مرکزي بغلان ولسوالۍ په چهارشنبې تپه او جنګل باغ  سيمو د امنيتي ځواکونو پر هغه کاروان چې د کندوز پر لور روان و بريد وکړ .

هغه چې نن سهار له پژواک اژانس سره خبرې کولې وويل چې يادې جګړې د شپې تر اته نيمو بجو دوام درلود  او اوس هم پراګنده ډزې کيږي .

نوموړي بې له دې چې د امنيتي ځواکونو د مرګ ژوبلې په اړه څه ووايي زياته کړه چې په دې جګړه کې لس وسله وال طالبان وژل شوي او ١٣ نور ټپيان دي .

خو د مرکزي بغلان د شاهي خېلو سيمې يوتن اوسېدونکي معلم روح الله پژواک ته وويل: ((ما په خپلو سترګو وليدل چې دوه رېنجر موټر ، درې حاموې موټرو او يوه لوى ټانګ د سړک پر سر اور اخيستى و او جنګ دوام درلود .))

هغه د امنيتي ځواکونو د مرګ ژوبلې په اړه څه ونه ويل ، خو زياته يې کړه چې  د څلورو قوماندانانو په ګډون ١٧ وسله وال طالبان وژل شوي چې د دوو تنه په جنازه کې يې ده ګډون کړى .

خو د وسله والو طالبانو وياند ذبيح الله مجاهد ادعا کوي چې طالبانو په ياده شوې جګړه کې د دولتي ځواکونو په لسګونو ټانکونه ، رېنجر او ټېلر موټر ويجاړ او يا نيولي دي او په لسګونو دولتي ځواکونو ته مرګ ژوبله اوښته ده .

نوموړي تېره شپه ادعا کړې چې طالبان  د بغلان مرکز پلخمري ته داخل شوي او جنګ دوام لري ، خو د بغلان چارواکي د طالبانو دا ادعا ردوي .

د بغلان امنيه قوماندانۍ وياند جاوید بشارت وايي چې وسله والو طالبانو تېره شپه پر يوې پوستې بريد کړى و چې له ماتې سره مخ شو او اوس حالت ارام دى . 

 

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.