ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

غزني او لښکرګاه کې د دوو موټربم چاودنو مخه نیول شوې

غزني او لښکرګاه کې د دوو موټربم چاودنو مخه نیول شوې

author avatar
14 Nov 2016 - 14:56
غزني او لښکرګاه کې د دوو موټربم چاودنو مخه نیول شوې
author avatar
14 Nov 2016 - 14:56

غزني- لښکرګاه (پژواک، ٢٤ لړم ٩٥): د ملي امنيت موظفينو په هلمند او غزني ولايتونو کې کې د دوو موټربم چاودنو مخه نيولې ده.

د ملي امنيت د مطبوعاتي دفتر له لوري د لړم په ٢٤مه پژواک خبري اژانس ته رالېږل شوې خبرپاڼه کې راغلي چې وسله والو طالبانو غوښتل د تېرې جمعې په ورځ په غزني ښار کې د موټربم چاودنه ترسره کړي.

سرچينه زياتوي: ((طالبانو هوډ درلود چې له چاودېدونکو توکو ډګ د یوه کرولا موټر په وسیله په غزني ښار کې د جمعې د لمانځه پر مهال د محمد مصطفی جامع جومات پر لمونځ کوونکو باندې برید ترسره کړي.))

په اعلاميه کې زياته شوې چې له بريد وړاندې دغه موټر د ملي امنيت ځواکونو له لوري نيول شوى دى.

دغه راز د يو بل خبر له مخې، تېره شپه د هلمند په مرکز لښکرګاه کې هم د ملي امنيت ځواکونو د يو بل موټربم د چاودنې مخه هم نيولې ده.

د هلمند د والي وياند عمر ځواک پژواک ته وويل، وسله والو مخالفينو غوښتل يو کرولا موټر چې له چاودېدونکو توکو ډک و، مرکز لښکرګاه ته داخل کړي.

هغه وايي: ((د ملي امنيت ځواکونو د معلمينو نومرو څنګ ته دغه موټر نيولى دى او بمونه يې ورته خنثى کړي دي.))

ده وويل چې په دې تړاو څوک نه دي نيول شوي.

د افغان دولت وسله والو مخالفينو تر اوسه د يادو پېښو په تړاو څه نه دي ويلي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.