د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په بلخ کې د ښځو پر وړاندې د تاوتريخوالي کچه ٣٠ سلنه لوړه شوې

په بلخ کې د ښځو پر وړاندې د تاوتريخوالي کچه ٣٠ سلنه لوړه شوې

Nov 22, 2016 - 17:31

مزارشريف (پژواک، ۲ ليندۍ ۹۵): د بلخ ولايت د استيناف څارنوالۍ د ښځو پر وړاندې د تاوتريخوالي د مخنيوي چارو مسوولين وايي چې د تېر کال په پرتله په دغه ولايت کې د ښځو پر وړاندې د تاوتريخوالي کچه ۳۰ سلنه لوړه شوې ده.

د استيناف څارنوالۍ د ښځو پر وړاندې د تاوتريخوالي د مخنيوي مسوولې مېرمن فوزيه حميدي وويل چې په مزارشريف ښار کې د ښځو پر وړاندې د تاوتريخوالي پېښې تر دولتي او غير دولتي دفترونو او پوهنتونو هم رسېدلې دي.

نوموړې دغه څرګندونې په مزارشريف ښار کې دليندۍ په ۲مه، د ښځو پروړاندې د تاوتريخوالي د مخنيوي د نړيوالې ورځې د نمانځنې په څنډه کې رسنيو سره وکړې.

د يادې نمانځنې تنظيمونکې او په بلخ کې د افغان مېرمنو د ښوونيز مرکز مسوولې مېرمن حفيظه ميرزايي پژواک خبري اژانس ته وويل چې د ښځو پر وړاندې د تاوتريخوالي د کمېدو لپاره بايد جدي کار وشي.

نوموړې زياته کړه چې په کورني لحاظ بايد د عامه پوهاوي په برخه کې لا ډېر کار وشي.

خو د بلخ د استيناف څارنوالۍ د ښځو پر وړاندې د تاوتريخوالي د مخنيوي مسوولې مېرمن فوزيې حميدي وويل، چې د تېر کال په پرتله د ښځو د وهلو ټکولو، جنسي تېريو او ناموسي وژنو په برخه کې د تاوتريخوالي کچه ۳۰ سلنه لوړه شوې ده.

نوموړې زياته کړه چې د ښځو پر وړاندې د تاوتريخوالي دغه سلنه يوازې تر کليو پورې نه ، بلکې د مزارشريف ښار تر دولتي او غير دولتي دفترونو او پوهنتونو پورې هم رسېدلې ده.

هغه وايي چې ډېری وخت دوی د وسله والو زورواکو له خوا د ښځو پر وړاندې د تاوتريخوالي د پېښو د څېړلو په برخه کې له ستونزو سره مخ کېږي.

نښه: 

ورته راپورونه:

نظر ورکړئ

اعلانونه

Advertisement