د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پکتیا قومي مشران: اجرائیه ریاست د هېواد په سیاسي چارو کې د پرمختګ خنډ دی

د پکتیا قومي مشران: اجرائیه ریاست د هېواد په سیاسي چارو کې د پرمختګ خنډ دی

Dec 01, 2016 - 18:02

ګردېز (پژواک، ١١ ليندۍ ٩٥): د پکتيا يو شمېر قومي مشران وايي چې د اجرائيه  رياست د کار موده سر ته رسېدلې او تر څنګ يې د ټاکنيزو کمېسيونونو نوي  کمېشنران هم ورته د منلو وړ نه دي.

دغه قومي مشران د ګردېز ښار د جرګو په تالار کې سره راټول شوي وو او پر پکتيا سربېره د ګاونډيو ولايتونو مشرانو هم په کې برخه  اخيستې وه.

قومي مشر پاچا خان ځدراڼ وويل، د اجرائيه رياست د کار موده پای ته رسېدلې او په کار ده چې لويه جرګه را وغوښتل شي څو د دولت برخليک وټاکي.

نوموړي وويل، د اجرائيه رياست له چارو ټول ولس ناخوښ دى او د هېواد په سياسي چارو کې د پرمختګ خنډ ګرځېدلی دی.

ده وويل د ټاکنيزو کمېسيونونو نوي ګومارل شوي کمېشنران د حکومت د دوو مشرانو په خوښه ټاکل شوي چې په پارلماني ټاکنو کې به د دغو مشرانو په خوښه کسان هم کاميابېږي نو دغه کسان دوى ته د منلو وړ نه دي.

ځدراڼ وويل، د هېواد سياسي وضعيت  ته په کتو سره  ورځ  تر بلې حالات خرابېږي  او لوی ګواښ چې په  راتلونکي کې  ولس ته متوجه دی، د داعش قوي کېدل او فعالېدل دي.

په قومي چارو کې د پخوانی ولسمشر سلاکار شهزاده مسعود وويل چې حکومت بايد په دې دوو مياشتو کې د اجرائيه رياست برخليک معلوم کړى واى.

ده وويل، حکومت په ډېرو هغو ژمنو کې چې له خلکو سره  يې کړې دي، پاتې راغلی دی.

مسعود هم د ټاکنیزو کمېسيونونو د نوو کمېشنرانو پر ټاکل کېدو نيوکه وکړه او ویې ويل چې  دغه کمېشنران د دوو مشرانو په خوښه  ټاکل شوي دي.

ده وويل، د دې ټولو ستونزو د لرې کېدو لپاره اړتيا ده چې لويه جرګه  را وغوښتل شي تر څو دې ستونزو ته د حل لاره  وګوري.

مدني فعال شفيق الله سحر وويل چې  ولسونو اوس دا درک کړې او د خپلو مشرانو پر ښو او بدو کارونو پوهېږي.

ده وويل چې د دولت اوسنۍ کمزورتيا او ستونزې به د يوې اوږدې مودې لپاره پاتې شي او پر خلکو به بدې اغېزې هم وکړي.

هغه پر حکومت نيوکه وکړه چې د پکتيا خلکو دوی ته زياته رايه ورکړې خو په هره ملي مسئله کې يې له ياده ايستلي دي.

د يادولو ده، له دې وړاندې هم د قومي مشر پاچا خان ځدراڼ په مشرۍ څو څو ځلي پر دولت باندې داسې انتقادي غونډې جوړې شوې دي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan