د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

کندوز کې د چاودنې له امله ٢٤ کسانو ته مرګ ژوبله واوښته

کندوز کې د چاودنې له امله ٢٤ کسانو ته مرګ ژوبله واوښته

Dec 19, 2016 - 18:07

کندوز-دويم تعقيب (پژواک ٢٩ ليندۍ ٩٥): امنيتي چارواکي وايي، چې په کندوز ښار کې د يوه مقناطيسي ماين له امله يو تن وژل شوى او ٢٣ نور ټپيان شوي دي.

د کندوز امنيه قوماندان مل پاسوال قسيم جنګل باغ پژواک خبري اژانس ته وويل، چې دغه چاودنه نن له غرمې وروسته شا وخوا ٣:٠٠ بجې د کندوز ولايت په واټ کې رامنځته شوې ده.

هغه زياته کړه، چې دغه ماين په يوه لاس ګاډي کې ځاى پر ځاى شوى و، چې له امله يې يو ملکي وګړى وژل شوى او د دريو ښځو په ګډون ٢٣ کسان ټپيان شوي دي.

جنګل باغ د دې خبرې په څرګندولو سره چې تر اوسه پورې د پېښې عاملين نه دي نيول شوي، وويل چې پوليسو د يادې پېښې په تړاو خپلې لومړنۍ څېړنې پيل کړې دي.

د سيمې يوه اوسېدونکي فيروز پژواک ته وويل، نوموړى د يوه کس د سر  ويښتو پر جوړولو بوخت و، چې دغه مهال يې د يوې درنې چاودنې غږ واورېد، کله چې له دوکان رابهر شو، د سړک پر غاړې يې پنځه ټپيان وليدل.

د ويلو ده چې ياده چاودنه دومره پياوړې وه چې تر پنځوس مترۍ پورې يې د هټيو او ودانيو ښيښې ماتې کړې دي

ورته راپورونه:

نظر ورکړئ

اعلانونه

Advertisement