د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسي جرګې د راتلونکي مالي کال د بوديجې طرحه رد کړه

ولسي جرګې د راتلونکي مالي کال د بوديجې طرحه رد کړه

Dec 21, 2016 - 13:01

کابل (پژواک، د مرغومي لومړۍ نېته ٩٥): ولسي جرې د راتلونکي مالي کال د بوديجې طرحه د ولايتونو تر منځ د توازن، په طرحه کې د عايداتي پروژو نشتوالي او ځينو نورو لاملونو له امله رد کړه.

مشرانو جرګې دغه طرحه د روان کال د ليندۍ په اوومه نېټه په طرحه کې د پراختيايي پروژو د شموليت له وړانديز سره تاييد کړه او ولسي جرګې ته يې واستوله.

مشرانو جرګې هم ويلي وو چې په دې طرحه کې د ولايتونو تر منځ مالي توازن په پام کې نه دى نيول شوى، خو د ماليې وزير ويلي چې ياده بوديجوي طرحه مالي امکاناتو او لومړيتوبونو ته په پام سره ترتيب شوې ده.

د ماليې وزارت د معلوماتو له مخې، د راتلونکي مالي کال لپاره چې د مرغومي په لومړۍ نېټه پيلېږي، ٢٨٧ ميليارده افغانۍ عادي او ١٧٨ ميليارده افغانۍ پراختيايي بوديجه ورته په پام کې نيول شوې چې ١٥٠ ميليارده افغانۍ يې چې د ټولې بوديجې ٣٢ سلنه جوړوي، له کورنيو عوايدو برابرېږي او نوره يې د نړيوالې ټولنې د مرستې او تمويل له لارې ترلاسه کېږي.

 د سرچينې د معلوماتو له مخې، د بوديجې ٣٦ سلنه امنيتي سکتور، ٢١ سلنه زيربناوو، ١٣ سلنه پوهنې، شپږ سلنه کرنې او پاتې يې نورو سکتورونو ته په پام کې نيول شوې ده.

د ولسي جرګې د مالي او بوديجوي کمېسيون مشر اميرخان يار د جرګې په نننۍ ناسته کې وويل چې د جرګې کمېسيونونو پر دې طرحه بحث کړى دى.

هغه وويل چې په دې طرحه کې د ولايتونو تر منځ د توان پر نشتوالي سربېره، هغو ولايتونو ته د اړينې پاملرنې نشتوالى چې کمه پراختيا يې موندلې، د عايداتي پروژو نشتوالى او نورې ستونزې لکه په راتلونکي مالي کال کې د کمو عوايدو وړاندوينه، د بوديجې پلي کولو ته د سم مکانيزم نشتوالى، پوهنې او ښځو ته د اړينې بوديجې نشتوالي ستونزې هم لري.

بالاخره دغه طرحه رايه ورکونې ته وړاندې شوه چې د ولسي جرګې له ١٢٣ حاضرو غړو نه شپږو یې دې طرحې ته د تاييد او پاتې نورو د رد رايې ورکړې.

د اساسي قانون د ٩٨مې مادې پر بنسټ، د دولت او پراختيايي پروګرامونو بوديجه مشرانو جرګې ته استول کېږي او د جرګې له نظر او سلا وروسته ولسي جرګې ته وړاندې کېږي.

ورته راپورونه:

نظر ورکړئ

اعلانونه

Advertisement