د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په ننګرهار کې د داعش ١٢ وسله وال وژل شوي

په ننګرهار کې د داعش ١٢ وسله وال وژل شوي

Jan 02, 2017 - 13:05

جلال اباد (پژواک، ١٣ مرغومى ٩٥): د ملي دفاع وزارت وايي چې په ننګرهار کې د ځمکنيو او هوايي بريدونو په ترڅ کې یې د داعش ١٢ وسله وال وژل شوي دي.

د ياد وزارت له خوا د مرغومي په ١٣مه پژواک خبري اژانس ته په يوه رالېږل شوې خبرپاڼه کې راغلي چې دغه عمليات پرون د ننګرهار ولايت د هسکې مېنې ولسوالۍ په مربوطاتو کې ترسره شوي دي.

د سرچينې د معلوماتو له مخې، په دغو عملياتو کې د داعش ١٢ وسله وال وژل شوي او د هغو د وسلو او مهماتو يوه زېرمه هم له منځه تللې ده.

بلخوا د ننګرهار د والي وياند عطاءالله خوږياڼى بيا وايي چې په دغو عملياتو کې بهرنيو ځواکونو هم برخه اخيستې وه او د بې پيلوټه الوتکې په مرسته يې بمبار کړى دى.

هغه زياتوي چې په دغو بريدونو کې چې د هسکې مېنې ولسوالۍ پر ګرګرې سيمې شوي، په ترڅ کې يې ١٠ داعش وسله وال وژل شوي او دوه مهم قوماندانان يې ژوندي نيول شوي دي.

نوموړي د داعش نيول شوي قوماندانان مولوي عباس او ابو حذيفه ياد کړل.

داعش وسله والې ډلې تر اوسه په دې اړه څه نه دي ويلي.

ورته راپورونه:

نظر ورکړئ

اعلانونه

Advertisement