د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په ننګرهار کې د دوو ماشومانو د قتل په جرم يو تن د اعدام په سزا محکوم شو

په ننګرهار کې د دوو ماشومانو د قتل په جرم يو تن د اعدام په سزا محکوم شو

Jan 10, 2017 - 10:29

جلال اباد (پژواک، ۲۱ مرغومى ٩٥): د ننګرهار استېناف محکمې د سر خرود  ولسوالۍ  د دوو تنو ماشومانو  قاتل د اعدام  په سزا محکوم کړ.

د ننګرهار ولايت د استېناف محکمې له لوري د مرغومي په ۲۱مه پژواک اژانس ته په راستول شوې خبرپاڼه کې راغلي چې دغه جلسه پرون د ننګرهار استېناف محکمې رييس قضاوتمند عبدالولي قاضي زاده په مشرۍ او د جزا د استېناف ديوان مسوولينو په غړيتوب جوړه شوې وه.

د خبرپاڼې په حواله، په ياده محاکمه کې د رايو په يووالي سره يې د سرخرود ولسوالۍ د شمشپور سيمې د دوو تنو ماشومانو قاتل د جزا د قانون د ٣٩٥ مادې پر بنسټ  د اعدام  په سزا محکوم کړ.

د معلوماتو له مخې، شاوخوا پنځه مياشتې وړاندې  د سرخرود ولسوالۍ  په شمشپور  سيمه کې  يو کس دوه تنه معصوم  ماشومان  پر چاړه حلال او ووژل، چې له پېښې څو ورځې وروسته پوليسو د خيبر په نوم  د وژل شوو ماشومانو  دغه قاتل ونيوه.

د سيمې خلکو قاتل ته د اعدام د سزا په ورکولو خوښي څرګنده کړه  او د قاتل لپاره  يې د ورکړل شوې سزا په عملي کېدو  ټېنګار وکړ.

د يادونې ده چې تر دې وړاندې د دغو تنکيو ماشومانو قاتل د ښاري محکمې د جزا ابتدائيه  دېوان  له لوري د اعدام په سزا محکوم شوی و.

ورته راپورونه:

نظر ورکړئ

اعلانونه

Advertisement