د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په هلمند کې روغتيايي خدمتونه کمزروي دي

په هلمند کې روغتيايي خدمتونه کمزروي دي

Jan 25, 2017 - 14:18

لښکرګاه(پژواک،۶سلواغه ۹۵): په هلمند کې روغتيايي خدمتونه کمزروي دي چې له امله يې په دغه ولايت کې د پنځوس سلنه خلکو  روغتيايي ستونزې نه هواريږي.

دغه څرګندونې د هلمند د عامې روغتيا رييس مولاداد توبه ګار د سلواغې په ٦مه د يوې خبرې غونډې پرمهال وکړې.

هغه وويل چې د عامې روغتيا وزارت له لوري په دغه ولايت کې د نږدې يو ميليون کسانو لپاره روغتيايي اسانتياوې برابرې شوې دي.

خو هغه زياته کړه: (( په دې ولايت کې ٢،٥ميليونه کسان ژوند کوي خو وزارت د ٩٨٠ زره کسانو لپاره د روغتيايي خدماتو امکانات راکړي چې دغه خدمات بسنه نه کوي.))

ده وويل چې د عامې روغتيا وزارت دغه امکانات هلمند ته د څو کلونو وړاندې سروې له مخې ورکوي چې ستونزې نه شي هوارولى.

توبه ګار وايي چې په دغه ولايت کې د يو شمېر موسسو لخوا هم روغتيايي خدمتونه وړاندې کيږي چې هغه هم کافي نه دي.

هغه زياته کړه: (( دغه موسسې د نورو روغتيايي خدمتونو ترڅنګ با کيفيته درمل هم ورکوي چې ښه تاثير  يې کړى دى، خو بيا هم د خلکو برابر خدمات نشته .))

د توبه ګار په وينا، د اداري فساد پر وړاندې جدي مبارزه يې  پيل کړې چې په دې لړ کې يې تر اوسه ١٢تنه له دندو ګوښه کړي دي.

د هغه د معلوماتو له مخې، په دغه ولايت کې په ټوليزه توګه ٦٥ روغتيايي مرکزونه دي چې يواځې د کجکي ولسوالۍ روغتيايي مرکز تړل شوى او د واشېر ولسوالۍ د روغتيايي مرکز په نيمه برخه کې امنيتي ځواکونه دي، په نورو کې ستونزې نشته .

ده وويل چې تېر کال په دې ولايت کې د مور او ماشوم د مړينې په برخه کې درې پېښې په روغتون او درې هم په کور کې ثبت شوي چې د نورو کلونو په پرتله کمې دي.

رييس وويل چې اړوندې ټولې ستونزې يې له سيمه ييزو او حکومتي چارواکو سره شريکې کړې دي او د حل لپاره به يې اقدام وکړي.

 د توبه ګار د معلوماتو له مخې، د وروستيو جګړو له امله دوى له کومې ستونزې سره نه دي مخ شوي.

په وروستيو درېيو مياشتو کې په هلمند کې په دوامداره توګه د امنيتي ځواکونو او طالبانو ترمنځ جګړې وشوې.

په دې جګړو کې وسله والو طالبانو د مرکز لښکرګاه د ځينو سيمو ترڅنګ يو شمېر ولسوالۍ هم ونيولې.

هلمند له مرکز لښکرګاه پرته ١٣ ولسوالۍ لري چې شپږ يې له وسله والو طالبانو سره دي او د ځينو يې يواځې مرکزونه له حکومت سره دي.

ورته راپورونه:

نظر ورکړئ

اعلانونه

Advertisement