د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د سړک د غاړې ماين چاودنې د ملي اردو درې سرتېري ټپيان کړل

د سړک د غاړې ماين چاودنې د ملي اردو درې سرتېري ټپيان کړل

Feb 06, 2017 - 13:49

جلال اباد (پژواک، ١٨ سلواغه ٩٥):  د ننګرهار ولايت په بهسودو ولسوالۍ کې د يوې چاودنې له امله د ملي اردو درې سرتېري ټپيان شوي دي.

د والي وياند عطاء الله خوږياڼي د سلواغې په ١٨مه، پژواک خبري اژانس ته وويل چې دا پېښه نن تر غرمې مخکې د بهسودو ولسوالۍ د بېنيګاه په سيمه کې رامنځته شوې ده.

هغه زياته کړه چې په ياده سيمه کې د ملي اردو پر يو رېنجر موټر د سړک غاړې ماين چاودنه شوې چې له امله يې درې سرتېري ټپيان شوي دي.

خوږياڼى وايي چې ټپي سرتېري د درملنې په موخه د ننګرهار عامې روغتيا روغتون ته لېږل شوي او روغتيايي وضعيت يې د ډاډ وړ دی.

د يادې سيمې يو تن اوسېدونکي باعث پژواک ته وويل چې چاودنه ډېره قوي وه او د ملي اردو موټر يې ويجاړ کړي دي.

دى وايي چې د چاودنې ټپيان په نورو موټرو کې  روغتون ته ولېږدول شول، خو شمېره يې نه وه معلومه.

ددې چاودنې مسووليت تر اوسه چا پر غاړه نه دى اخيستى. 

ورته راپورونه:

نظر ورکړئ

اعلانونه

Advertisement