د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د انټرنټي خدمتونو بيه ٢٠ سلنه راټيټه شوه

د انټرنټي خدمتونو بيه ٢٠ سلنه راټيټه شوه

Feb 07, 2017 - 18:34

کابل (پژواک، ١٩ سلواغه ٩٥): د مخابراتو او معلوماتي ټکنالوجۍ وزارت، د انټرنټي خدمتونو په بيو کې د ٢٠ سلنه کمښت اعلان کړى، خو وايي چې که د انټرنټي خدمتونو د وړاندې کوونکو شرکتونو په بيو کې کموالى رانه شي نو ورکړل شوى تخفيف به بيرته ترې واخيستل شي.

 د مخابراتو او معلوماتي ټکنالوجۍ وزارت تخنيکي معين سيد احمدشاه سادات، نن په کابل کې د خبري ناستې پر مهال وويل، چې پخوا به قزاقستان هېواد يو MB انټرنټ د انټرنټي خدمتونو پر وړاندې کوونکو شرکتونو په ٣٣٦ ډالره، پاکستان په ١٢٠ ډالره او ايران ١٨٠ ډالره پلوره.

خو د هغه په وينا، اوسمهال دغه اندازه د شرکتونو لخوا له قزاقستان څخه په ٢٦٨ ډالره، له پاکستان ٩٦ ډالره او له ايران څخه په ١٤٤ ډالره پېرل کېږي، چې دا اندازه کم تر کمه شل سلنه کموالى په ګوته کوي.

 سادات د دې خبرې په څرګندولو سره چې دغه تخفيف له سبا وروسته د عملي کېدو وړ دى، وويل چې د انټرنټي خدمتونو وړاندې کوونکو له ټولو شرکتونو څخه به د انټرنټ بيو په برخه کې څارنه وکړي، خو که چېرې د دوى په بيو د پام وړ بدلونونه رامنځته نه شي نو ورکړل شوى تخفيف به بيرته ترې واخلي.

 نوموړي دغه راز زياته کړه، وزارت هڅه کوي چې په نږدې راتلونکي کې د ټکنالوجۍ د څلورم نسل (4G) خدمتونو ته هم لاره هوار کړي.

د ياد وزارت د معلوماتو پر بنسټ، اوسمهال شا وخوا څلور ميليون هېوادوال له انټرنټ ګټه اخلي او هڅه روانه ده، چې دغه شمېر په راتلونکو څلورو کلونو کې ١٥ ميليون کسانو ته ورسيږي.

نوموړي وويل چى دوى د غيرقانوني او نا ثبت شوو سيمکارتونو د وېش د مخنيوي لپاره هم هلې ځلې کړې، چې په دغه برخه کې يو نوى ميکانيزم په پام کې نيول شوى دى.

 نوموړي دغه راز د مخابراتي خدمتونو د مالياتو راټولولو په اړه وويل، د يادې لړۍ له پيل (د تېر کال د تلې مياشت) راهيسې؛ ٥،٦ ميليارده افغانۍ ترلاسه شوې او د يادې لړۍ د لا ډېرې روڼتيا په موخه د نوي سيسټم پر رامنځته کولو کار روان دى.

ورته راپورونه:

نظر ورکړئ

اعلانونه

Advertisement