د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسمشر غني: د ناامنو ولسواليو د حالت واضح تحليل دې وړاندې شي

ولسمشر غني: د ناامنو ولسواليو د حالت واضح تحليل دې وړاندې شي

Feb 11, 2017 - 14:51

کابل (پژواک، ۲۳ سلواغه ۹۵): ولسمشر محمد اشرف غني، د ملي امنيت له منسوبينو سره په کتنه کې وويل چې په هېواد کې  د بې ‌ثباتۍ عوامل بايد تشخيص  او د ناامنو ولسواليو د حالت واضح تحليل وړاندې شي.

د ولسمشرۍ ماڼۍ په خبرپاڼه کې راغلي چې ولسمشر  دغه څرګندونې د ملي امنيت رياست د مرکزي او ولايتي ادارو له مشرانو سره تر درې ورځني سيمينار وروسته په ارګ کې د ليدنې پر مهال وکړې.

د خبرپاڼې له مخې، ولسمشر په دې ناسته کې ويلي چې د بې ‌ثباتۍ عوامل تشخيص او پر ضد يې دې مبارزه وشي.

هغه زياته کړه، ملي امنيت د کشف مهمه سرچينه ده، د ملي امنيت ځواکونه بايد په دغه برخه کې لا زياتې هڅې وکړي.

ده  د دولت د  وسله والو مخالفو ډلو په له منځه وړلو کې د ملي امنيتي ځواکونو هڅې وستايلې  او يې ويل :"په کار ده چې د هېواد د ناامنو ولسواليو د حالت واضح تحليل وړاندې شي."

ولسمشر غني دې ته په اشاري چې باثباته افغانستان يې اساسي موخه ده، وويل چې د دولت په ټولو سياستونو کې د هېواد لوړې ګټې په پام کې نيول کېږي.

ده ښوونيز او د افکارو د تبادلې سيمينارونه د ملي امنيت منسوبينو ته ګټور وبلل ، ويې ويل چې د مناسبو امنيتي ميکانيزمونو د پلي کولولپاره دې منځمهالي او اوږد مهالي ليدلوري رامنځته شي.

ولسمشر غني له وسله والو مخالفينوسره پر مبارزې ټينګار وکړ ويې ويل:"تروريزم کورنۍ نه بلکې يوه سيمه‌ ييزه او نړيواله پديده ده."

محمداشرف غني د ملي امنيت کارکوونکو پر وظيفوي خونديتوب ټينګار وکړ او لارښوونه يې وکړه چې په دې برخه کې دې ځانګړې پاليسي د ملي امنيت شورا غونډې ته د تصويب لپاره وړاندې شي.

غني وويل چې ملي امنيت مناسب ظرفيتونه لري او د دغه بنسټ د راتلونکي لپاره زياتې پانګونې ته اړتيا ده.

هغه ټينګار وکړ چې د هېواد د ملي امنيت په چوکاټ کې د قبيلې، ګوند او تفرقې سياست ځای نه لري، د دغه بنسټ منسوبين يوازې افغانان او مسلمانان دي چې له خپل مسلک سره سمه دنده ترسره کوي.

غني په ملکي څانګو کې د ملي امنيت له تجربه لرونکو کدرونو څخه د استفادې په اړه وويل:" په دې هکله دې کار وشي او په ملکي بنسټونو کې دې د کار اخيستو په موخه د دغو کدرونو ظرفيتونه تشخيص شي. "

 د ملي امنيت مشر محمدمعصوم ستانکزي وويل چې په ياد سيمينار کې  پر بېلابېلو موضوعاتو په ځانګړي ډول د راتلونکي کال ګواښونو پر وړاندې په اقداماتو، د جرمونو پر کشف، تروريزم او مافيا سره په مبارزې، سوق او ادارې، تروريزم سره د مبارزې په ډګر کې د خلکو په ځانګړي ډول د ديني علماوو، مدني بنسټونو او رسنيو په همکاريو  بحثونه شوي دي.

ورته راپورونه:

نظر ورکړئ

اعلانونه

Advertisement