کلات (پژواک، ٣ کب ٩٥): د زابل د ولايتي شورا څو غړو او لسګونو اوسېدونکو د يوه لاريون په ترڅ کې د دې ولايت د والي، ښاروال او د پوهنې د رييس د لرې کېدو غوښتنه وکړه.
دغو لاريون کوونکو چې شمېر يې کابو ٢٥٠ تنو ته رسېده، نن له غرمې وروسته د دوو ساعتونو لپاره د ولايت مقام مخې ته لاريون وکړ.
يوه لاريون کوونکي سميع الله، پژواک خبري اژانس ته وويل، والي له دوى سره په فساد کي د ښکېلو ريیسانو د لرې کولو ژمنه کړې وه، خو پر خپله ژمنه يې عمل نه دى کړى، بلکې د هغوى ملاتړ کوي.
ده زياته کړه، که مرکز (کابل) دغه کسان له دندو لرې نه کړي، نو د کابل - کندهار لویه لاره به وتړي.
د لاريون ګډونوال او د ولايتي شورا مشر عطاجان حق بيان، پژواک خبري اژانس ته وويل، د خپلو موکليو تر شا ولاړ دى او مرکز بايد د والي په اړه په بيړه اقدام وکړي.
خو د زابل والي سره له دې چې لاريون د خلکو مدني حق بولي، خو د يادو شويو لاريون کوونکو ادعاوې بې ځايه بولي او وايي چې هڅه کوي په ولايتي اداره کې فساد له منځه يوسي او شفافيت راولي.
د ده په وينا، که څوک په کوم مسوول د فساد ثبوت لري، دوى ته دې وسپاري، ترڅو يې له قانوني لارو تعقيب کړي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن