د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

درې ماشومان د هاوان مرمۍ د چاودنې له امله ووژل شول

درې ماشومان د هاوان مرمۍ د چاودنې له امله ووژل شول

Mar 13, 2017 - 16:42

جلال اباد (پژواک، ٢٣ کب ٩٥) : چارواکي وايي چې په ننګرهار ولايت کې د هاوان مرمۍ د چاودنې له امله درې ماشومان وژل شوي دي.

د ننګرهار د والي وياند عطاء الله خوږياڼي د کب په ٢٣مه، پژواک خبري اژانس ته وويل چې دا چاودنه نن تر غرمې مخکې په لسو بجو د خوږياڼو ولسوالۍ د مېملې په شګۍ سيمه کې شوې ده.

هغه زياته کړه چې د هاوان يوه مرمۍ د اوبو په وياله کې پرته وه او د ماشومانو د لوبو پرمهال يې چاودنه کړې ده.

د خوږياڼي په وينا، په چاودنه کې درې ماشومان وژل شوي دي.
 سلاکار وزير او ننګرهار والي محمد ګلاب منګل پر ياده پېښه ژوره خواشيني ښودلې ده.

د يادونې ده چې هر کال په هېواد کې د ناچاودو توکو د چاودنو له امله سلګونو هېوادوالو ته مرګ ژوبله اوړي.

د خليل په نامه د سيمې يو تن اوسېدونکي پژواک ته وويل چې دا مرمۍ په دې وروستيو کې توغول شوې وه، خو لورى يې ورته نه دى معلوم.

هغه وايي، ماشومانو غوښتل چې دا مرمۍ له لښتي را اوباسي او بيا يې پر کباړ خرڅه کړي، چې چاودنه يې پرې کړې او درې واړه  وژل شوي.

ورته راپورونه:

نظر ورکړئ

اعلانونه

Advertisement