د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"د بغلان له يو شمېر ښوونځيو دې افغان ځواکونه ووځي"

"د بغلان له يو شمېر ښوونځيو دې افغان ځواکونه ووځي"

Mar 26, 2017 - 20:10

کابل (پژواک ٦ ورى ٩٦): د بغلان مسوولين وايي، حکومت بايد د ناامنو سيمو له هغو ښوونځيو څخه افغان امنيتي ځواکونه وباسي چې پوځي اډې يې په کې جوړې کړې دي.

د بغلان د پوهنې رئيس غلام محي الدين پيکان حيدري، نن د ښوونځي د زنګ وهلو په مراسمو کې وويل، سره له دې چې په بغلان ولايت کې ٨١ ښوونځي له امنيتي ګواښونو سره مخامخ دي، خو د ملي اردو ځواکونه د ولايت په مرکزي بغلان، ډنډ غوري، چشمه شېر او باغ شمال سيمو د ١١ ښوونځيو په ځينو ټولګيو کې ځاى په ځاى شوي دي.

ده زياته کړه، د ملي اردو ځواکونو له دې جملې څخه دوه ښوونځي پرېښي او په پاتې نهو کې لا موجود دي.

هغه له نظامي مسوولينو وغوښتل چې ياد شوي ښوونځي هم خالي کړي.

ده زياته کړه، په بغلان کې د ملي اردو عملياتي قومندان تورنجنرال شعورګل ورسره ژمنه کړې، چې په نږدې راتلونکو ورځو کې به دا ښوونځي د ملي اردو ځواکونه پرېږدي.

د بغلان د ولايتي شورا مشر اسدالله شهباز هم د بغلان پر سیمه ییزې ادارې غږ وکړ، چې له یادو ښوونځیو څخه دې افغان امنیتي ځواکونه وباسي، ترڅو زده کوونکي خپلو زده کړو ته دوام ورکړي.

د بغلان والي عبدالحى نعمتي وايي، که څه هم د دې ولایت په ځینو ناامنه سیمو کې چې مخالف وسله وال په کې پراخ شتون لري، د ښوونځیو دروازې د زده کوونکو پرمخ خلاصې دي، خو د ناامنیو له امله نه شي کولی چې ښوونځیو ته ولاړ شي.

ده زياته کړه، د دې ترڅنګ له ځینو ښوونځو څخه د افغان امنیتی ځواکونو پوځي اډې جوړول یو بل لامل دی چی له امله یې زده کوونکي له زده کړو بې برخې پاتې دي.

د ويلو ده، چې له کندوز ولایت وروسته، وسله  والو طالبانو خپل زیاتره تحرکات د بغلان ولایت په بېلا بېلو سیمو کې پيل کړل، چې له امله يې زياتره سیمې تر خپلې ولکې لاندې راوستې او حکومت هم د یادو سیمو د بېرته نیولو لپاره په بېلابېلو سیمو کې عملیات ترسره کړل، چې د عملیاتو په بهیر کې افغان سرتېرو له ښوونځیو څخه هم د نظامي اډې په توګه کار واخیست او لا هم په ځینو ښوونځیو کې مېشت دي.

ورته راپورونه:

نظر ورکړئ

اعلانونه

Advertisement