د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د بلخ مدني فعالان : ډيورنډ د ولسونو او افغانستان حيثيت دی

د بلخ مدني فعالان : ډيورنډ د ولسونو او افغانستان حيثيت دی

Apr 07, 2017 - 10:12

مزارشریف (پژواک،١٨ورى٩٦):په بلخ ولايت کې د مدني فعالانو په يو بحث کې ډيورنډ فرضي کرښه د افغانستان سياسي حيثيت وګڼل شوو.

د دغه ولايت په مرکز مزارشريف ښار کې د وري په ۱۷مه، د بلخ ادبي او ټولنيز خوځښت په بلنه لسګونه فرهنګيان، مدني فعالان، د پوهنتون استادان او محصلين د ډيورنډ فرضي کرښې په تړاو بحث ته رابلل شوي وو.

د دغه خوځښت د مشر او ليکوال ذبيح الله احساس لخوا د ډيورنډ فرضي کرښې په تړاو هراړخيز تحليل وړاندې شوو.

په تحليل کې د ډيورنډ کرښې په تاريخي شاليد باندې خبرې وشوې او د دغې فرضي کرښې د تحميل کېدو په تړاو د تاريخ پوهانو په حواله اسناد وړاندې شول.

احساس د خپل تحليل په اوږدو کې ډيورنډ ستوتزه يو افغان قوم پورې محدوده ونه ګڼله ، بلکې دغه کرښه يې د افغانستان پر جغرافيه تحميل شوې وګڼله، چې زيان يې هر افغان قوم ليدلی دی.

هغه د پاکستان منځ ته راتګ په تاريخي لحاظ تصادفي وګاڼه او په دې يې ټينګار وکړ چې دغه هېواد د افغانستان موجوديت د خپلې بقا لپاره ستر خنډ بولي.

احساس وويل، د همدې لپاره پاکستان تل هڅه کوي چې د سياسي فشارونو تر څنګ د افغانستان د ملت تر منځ درزونه پيدا کړي.

خو نوموړي ټينګار وکړ چې اوس ځوانان ويښ شوي او د ملت جوړونې بهير يې شاته پرېښى او د وطنپالنې حس ورسره دی.

له بحث وورسته ډېری ګډنوالو د بحث په تړاو پوښتنې وکړې چې د احساس لخوا ځواب کړای شوې.

همداراز د بلخ ولايتي شورا وکيل ذبيح الله کاکړ له خپلو څو پوښتنو ځوابېدو وروسته وويل: ((ډيورنډ نه د پدرام ملکيت دی، نه د کاکړ او نه د کوم بل، دا د ولس مسله او د افغانستان حيثيت دی.))

همداراز د بلخ پوهنتون استاد پوهندوی غلام فاروق خپلواک د غونډې د پای وينا وکړه، چې ډيورنډ يې د تاريخ جبر وګاڼه.

نوموړي پر ځوانانو غږ وکړ، چې د خپل تاريخ په تړاو ښه او ژوره مطالعه وکړي.

هغه د ورته ناستو جوړېدل د فکري ويښتابه پر لور ښه ګامونه وګڼل.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan