د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د اچين په وروستي بمبار کې د مهمو مشرانو په ګډون ٩٤ داعشيان وژل شوي

د اچين په وروستي بمبار کې د مهمو مشرانو په ګډون ٩٤ داعشيان وژل شوي

Apr 15, 2017 - 10:39

جلال اباد  (پژواک، ٢٦ ورى ٩٦) : د ننګرهار ولايت چارواکي وايي چې په اچين ولسوالۍ کې د امريکايي ځواکونو د وړمې شپې په هوايي بريد کې د ګڼ شمېر مهمو مشرانو په ګډون ٩٤ تنه داعشيان وژل شوي دي.

امريکايي ځواکونو د جمعې په شپه ( د وري په ٢٤مه) د ماښام په شاوخوا اوو بجو د اچين ولسوالۍ پر مامند درې ، چېرته چې د داعش وسله والې ډلې مهم مرکز و، هوايي بريد وکړ.

امريکا ويلي و چې پر ياده سيمه يې د (بمونو مور) په نامه غټ بم غورځولى چې ويل کېږي، شاوخوا لس زره کيلو ګرامه وزن يې درلود.

دغه بم امريکا په وروستيو لسيزو کې جوړ کړى ، خو تر اوسه يې چېرته نه و کارولى، ويل کېږي چې دا تر اتوم بم څخه وروسته خطرناک بم دى.

د ننګرهار د والي وياند  عطاء الله خوږياڼي د وري په ٢٦مه، پژواک خبري اژانس ته وويل چې د دوى د وروستيو معلوماتو له مخې، په ياد بريد کې د داعش ياد مرکز په بشپړه توګه له منځه وړل شوى دى.

سرچينې زياته کړې چې په دې پېښه کې د يو شمېر مهمو قوماندانانو په ګډون د د اعش ٩٤ وسله وال وژل شوي دي.

د خوږياڼي په وينا، دغه راز په دغه هوايي بريد کې د داعش ډلې درې سمڅې  او د وسلو او مهماتو يوه زېرمه  او نور وسايل له منځه وړل شوي دي.

د نوموړي د معلوماتو له مخې، په وژل شويو کسانو کې د داعش خراسان د پخواني وژل شوي مشر حافظ سعيد خان ورور  په ګډون  د حمزه، ابوبکر، محمد ابراني په نومونو يو شمېر  قوماندانان شامل دي.

د والي وياند وويل چې په وژل شويو کسانو کې يو شمېر بهرني وګړي هم شامل دي.

هغه زياته کړه چې په دې عملياتو کې ملکي وګړو ته کوم زيان نه دى اوښتى.

د يادونې ده چې تر يادې بمبارۍ څو ساعته مخکې په ٢٠١ سيلاب قول اردو کې افغان او امريکايي پوځي چارواکو په دې اړه ناسته کړې وه.

داعش ډلې تر اوسه په دې اړه څه نه دي ويلي. 

ورته راپورونه:

نظر ورکړئ

اعلانونه

Advertisement