ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

اميني: د حقاني شبکې مهم قوماندان له شپږو کسانو سره ووژل شو

اميني: د حقاني شبکې مهم قوماندان له شپږو کسانو سره ووژل شو

author avatar
19 May 2017 - 16:03
اميني: د حقاني شبکې مهم قوماندان له شپږو کسانو سره ووژل شو
author avatar
19 May 2017 - 16:03

کابل (پژواک، ٢٩ غويى٩٦):د ميدان وردګو ولايت امنيه قومانداني وايي، د حقاني شبکې يو مهم قوماندان حميدالله له خپلو شپږو ملګرو سره د دې ولايت په نرخ ولسوالۍ کې ووژل شو.

د ميدان وردګو د امنيه قوماندانۍ وياند نقيب الله اميني پژواک خبري اژانس ته وويل چې حميدالله او ډلې يې د کابل په پغمان او د ميدان وردګو په نرخ ولسواليو کې د دولت پر ضد وسله وال فعاليتونه لرل.

هغه وايي، چې ياد ٧ تنه د افغان ځواکونو په هوايي او مځکني بريد کې تېره ورځ مازيګر مهال د نرخ په توکرک سيمه کې وژل شوي دي.

د کابل د پغمان ولسوالۍ د ارغندې سيمې اوسېدونکى امين الله هم د حميدالله وژنه تاييدوي او وايي چې حميدالله د پغمان د کوزې ارغندۍ اوسېدونکى و.

د ده په وينا، حميدالله مخکې د طالبانو له خوا د پغمان ولسوال و، خو په دې وروستيو کې د کابل لپاره د طالبانو له خوا والي نومول شوى و.

امين الله له حميدالله سره د نورو کسانو د وژل کېدو په اړه څه ونه ويل، خو د نرخ يو اوسېدونکى چه نه غواړي نوم يې څرګند شي وايي، چې تېره ورځ په ياد بريد کې دوه تنه وسله وال طالبان وژل شوي چې دواړه د پغمان اوسېدونکي دي.

وسله والو طالبانو تر دې دمه په دې اړه څه نه دي ويلي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.