د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په فراه کې ١٥ ټنه تاريخ تېر درمل او خوراکي توکي ټول شوي

په فراه کې ١٥ ټنه تاريخ تېر درمل او خوراکي توکي ټول شوي

May 23, 2017 - 13:40

فراه (پژواک، ٢ غويى ٩٦): د فراه ولايت د عامې روغتيا رياست د فراه ښار له عمده او پرچون پلورنځيو څخه څه باندې پنځلس ټنه تاريخ تېر خواړه او د څښاک توکي را ټول کړي دي.

ياد توکي په دوو وروستيو ورځو کې د عامې روغتيا رياست د محيطي روغتيايي ډلې له لوري راټول شوي او ډېر ژر به وسوځول شي.

د فراه د عامې روغتيا مشر ډاکټرعبدالجبار شايق پژواک خبري اژانس ته وويل: ((د دې توکو پلور د خلکو روغتيا ته مضر او ناروغي پيدا کوونکی دى، په دې برخه کې باید يو بل ته لاس ورکړو او له خپلې اصلي شتمنۍ چې روغتيا ده، ساتنه کوو.))

هغه زياته کړه چې تر اوسه يې په دې تړاو څوک نه دي نيولي.

د فراه ښار اوسېدونکي او هټيوال محمد حليم د عامې روغتيا وزارت پر دغه کار خوښي وښوده، خو د هغو کسانو د مجازاتو غوښتنه يې وکړه چې تاريخ تېري توکي پلوري.

د هغه په خبره، ځينې کسان په داسې حال کې تاريخ تېر درمل پلوري چې ګڼ شمېر خلک د بې سوادۍ له امله د پېرلو پر مهال تاريخ تېري درمل نه پېژني.

تېر کال هم په فراه کې يوه اندازه تاريخ تېر درمل او څښاک توکي راټول شوي او سوځول شوي وو.

د تاريخ تېرو توکو پلور د هېواد په نورو ولايتونو، حتى پلازمېنه کابل کې هم کېږي چې د راپورونو له مخې په بيا بيا راټول شوي او سوځول شوي دي.                                                                                             

ورته راپورونه:

نظر ورکړئ

اعلانونه

Advertisement