د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"د جنازې پر مراسمو بريد کوونکو چاودېدونکي توکي بوټونو کې ځاى کړي و"

"د جنازې پر مراسمو بريد کوونکو چاودېدونکي توکي بوټونو کې ځاى کړي و"

Jun 04, 2017 - 17:59

کابل (پژواک، ١٤ غبرګولى ٩٦): د ملي امنيت عمومي رياست وايي چې د سالم ايزديار جنازې پر مراسمو بريد کوونکو کسانو چاودېدونکي توکي په ډېر ماهرانه ډول په خپلو بوټونو کې ځاى پر ځاى کړي و، چې په دغه ډول دوى د امنيتي ځواکونو له تلاشۍ تېر شوي دي.

 د محمد عالم ايزديار زوى سالم ايزديار درې ورځې وړاندې کابل کې د لاريون کوونکو او پوليسو ترمنځ د لاريون د تاوتريخوالي پر مهال ووژل شو. پرون يوځل بيا د سالم د جنازې په مراسمو کې درې پرله پسې چاودنې ترسره شوې، چې د ځينو سرچينو په وينا، په دغو مراسمو کې ځانمرګي بريدونه ترسره شوي دي.

 د کابل ښار په بادام باغ سيمه کې د مشرانو جرګې د لومړي نايب محمد عالم ايزديار د زوى پر مراسمو د ځانمرګي بريدونو په ترڅ کې اووه کسان وژل شوي او ١١٩ نور ټپيان دي.

 د ملي امنيت عمومي رياست وايي چې د جنازې پر مراسمو بريد کوونکو د پاکستان د کويټې د چمن سيمې د مولوي احمد په مدرسه کې زده کړې، چې بيا د ځانمرګو بريدونو ترسره کولو په موخه افغانستان ته رالېږل شوي دي.

د دغه رياست په وينا، بريدګرو د سالم د جنازې پر مراسمو د بريد په موخه چاودېدونکي توکي په ډېر ماهرانه ډول ځاى پر ځاى کړي و، چې په پايله کې يې د تلاشۍ پر مهال چاودېدونکي توکي په ډېرې اسانۍ سره لېږدولي دي.

 خو سرچينه وايي، د ملي امنيت منسوبين په سيمه کې له بريد وروسته د يوه بل ځانمرګي بريد ګر پر نيولو بريالي شوي دي.

 د ملي امنيت عمومي رياست دغه راز وايي، همدارنګه يې کابل ښار کې ١٢ نور ترهګر چې په بېلابېلو سيمو کې يې د بريدونو هوډ درلود، نيولي دي.

ورته راپورونه:

نظر ورکړئ

اعلانونه

Advertisement