کابل (پژواک، ٨ زمرى ٩٦): د پروان د ترافيکو مديريت چارواکي وايي چې نن سهار د دغه ولايت د مرکز په پل مټک سيمه کې د ترافيکې پېښې له امله اته کسان ټپيان شوي دي.
د پروان د ترافيکو مدير محراب الدين پرواني پژواک خبري اژانس ته وويل، ياده ترافيکي پېښه هغه مهال رامنځته شوه چې يو کرولا موټر له شمال څخه کابل او دغه راز يو فلاينکوچ موټر له کابله کاپيسا ته پر لارې وو، دواړو مټک پل سيمې ته په رسېدو ټکر کړى دى.
پرواني د يادې پېښې لامل د فلاينکوچ موټر تخنيکي عوارض وبلل.
د نوموړي په وينا، د يادې پېښې په ټپيانو کې ماشومان او ښځې هم شاملې دي.
هغه زياتوي چې د پېښې ټپيان د پروان پل مټک يوه شخصي روغتون ته لېږدول شوي، خو څلور کسان يې د سختو ټپونو له امله کابل ته لېږدول شوي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن