شبرغان (پژواک، ٢٤ زمرى ٩٦): د جوزجان ولايت سيمه ييز چارواکي وايي چې په شبرغان ښار کې يوه کس خپله ٢٥خور وژلې او د پېښې له ځايه تښتېدلى دى.
د جوزجان د والي وياند محمد رضا غفوري وايي چې دا ځوانه ښځه د قوش تپې ولسوالۍ اوسېدونکې او خپل ورور وژلې ده.
هغه زياته کړه: ((دا ښځه لس کاله وړاندې په قوش تپه کې د خپل پلار له کوره تښتېدلې او په شبرغان ښار کې يې له يوه کس سره واده کړى و چې د کورنۍ خوښه يې په کې نه وه.))
هغه وويل چې تېره شپه يې ورور کور ته ورغلى او دا چې په کور کې يې له خور او کوچنيو خوريونو پرته بل څوک نه وو، خور يې وژلې او له سيمې تښتېدلى دى، دا ښځه د خپل څادر په وسيله زندۍ شوې او څلور کوچني ماشومان يې پاتې دي.))
د جوزجان، سرپل او فارياب ولايتونو لپاره د بشري حقونو کمېسيون مشرې مغفرت صميمي وويل چې يو شمېر کورنۍ پ خپل کورني چاپېرال کې محدوديتونه پيدا کوي چې دا چاره له کوره د نجونو د تېښتې سبب ګرځي.
صميمي له امنيتي او قضايي ارګانونو وغوښتل چې د دې ډول قضيو د عاملينو مجازات په دقت تر سره کړي او د هېواد له نافذو قوانينو سره سم يې مجازات کړي.
د روان کال له پيله تر اوسه پورې په جوزجان ولايت کې ٩ مېرمنې وژل شوې او يوې ځان وژنه کړې ده.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن