د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

بګرام کې ۳۱ میله وسلې نیول شوې دي

بګرام کې ۳۱ میله وسلې نیول شوې دي

Aug 17, 2017 - 11:35

چاريکار (پژواک، ٢٦ زمرى ٩٦): د ملي امنيت موظفينو تېره شپه د پروان په بګرام ولسوالۍ کې له يوه کور څخه ٣١ ميله سپکې امريکايي او روسۍ وسلې او يوه اندازه مهمات ترلاسه کړل.

د پروان د امنيې قوماندانۍ وياند محمدعالم پژواک خبري اژانس ته وويل چې د ملي امنيت موظفينو دغه وسلې او مهمات د بګرام ولسوالۍ په موسى زي کلي کې له يو کوره تر لاسه کړي دي.

د هغه د معلوماتو له مخې، په دې وسلو کې څلور روسۍ پيکا، درې روسي کلاشينکوفونه، څلور مکس امريکايي ټوپک او شل امريکايي تومانچې شاملې دي.

سرچينه زياتوي چې له دغه کور څخه په ترلاسه شوو مهماتو کې ٣٠٠ صندوقه د کلاشينکوف، ١٣ صندوقه د تومانچې او سل د پيکا مرمۍ، يو شمېر د کلاشينکوف او تومانچې شارژورونه او نور مهمات شامل دي.

هغه د جزئياتو له ورکولو پرته وويل چې په دې تړاو څوک نه دي نيول شوي او مظنون کسان تښتېدلي دي.

امنيتي ځواکونو د روان کال په وري مياشت کې هم د بګرام ولسوالۍ د جعفرخېلو کلي په يوه کنډواله کې لس ټنه چاودېدونکي توکي کشف او ضبط کړل، خو په تړاو يې څوک نه و نيولي.

ورته راپورونه:

نظر ورکړئ

اعلانونه

Advertisement