ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

لښکرګاه کې د توغندي لګېدو له امله څلور تنه ټپيان شول

لښکرګاه کې د توغندي لګېدو له امله څلور تنه ټپيان شول

author avatar
24 Aug 2017 - 19:31
لښکرګاه کې د توغندي لګېدو له امله څلور تنه ټپيان شول
author avatar
24 Aug 2017 - 19:31

د توغنديو لګېدو له امله څلور تنه ټپيان شول

لښکرګاه، جلال اباد (پژواک ٢ وږى ٩٦): د هلمند امنيتي مسوولين وايي چې د لښکرګاه ښار په يوه ښوونځي د دوو توغنديو لګېدو له امله څلور تنه ټپيان شوي دي.

د دې ولايت د امنيه قومندانۍ وياند دوهم څارن عبدالسلام افغان، پژواک خبري اژانس ته وويل چې دغه توغندي د نهرسراج له خوا شاوخوا شپږنيمې بجې راغلي او د تورټانک په نوم ښوونځي کې لګېدلي دي.

ده زياته کړه، په دې پېښه کې د ښوونځي مدير او درې زده کوونکي ژوبل شوي دي.

د ايمرجنسي روغتون مسوولين د ټپيانو روغتيايي حالت ښه بولي او وايي، د توغنديو د لګېدو پرمهال يادو کسانو په ښوونځي کې د فوټبال لوبه کوله.

د سيمې يوه اوسېدونکي شاه محمد، پژواک ته وويل چې يو توغندى د ښوونځي په ودانۍ او بل په لوبغالي لګېدلى دى.

د يوه بل خبر له مخې، د ننګرهار چپرهار ولسوالۍ کې د داعش او طالب وسله والو ترمنځ د نښتې له امله درېيو ملکي وګړو ته مرګ ژوبله اوښتې ده.

د ننګرهار د والي وياند عطاءالله خوږياڼي د وږي په ۲يمه پژواک اژانس ته وويل، چې د چپرهار ولسوالۍ غلام ډاګ سيمه کې نن سهار شاوخوا لس بجې د وسله والو طالبانو او داعش ډلې ترمنځ جګړه رامنځته شوې ده.

هغه زياته کړه، چې د جګړې په ترڅ کې يې يو د زرنج موټر سايکل چلوونکی وژل شوی او دوه ملکي وګړي ټپيان شوي دي.

نوموړی وايي، د وسله والو ډلو تلفاتو په اړه تر دې دمه معلومات نه دي ترلاسه شوي.

خو د سيمې يو قومي مشر د نوم نه خپراوي په شرط پژواک ته وويل، چې د جګړې له امله يو ملکي وګړی، دوه داعش او يو طالب وسله وال وژل شوي دي.

نوموړي نيوکه وکړه، چې د جګړې د مهار او د وسله والو د ځپلو لپاره حکومت هېڅ اقدامذنه دی کړی، چې له امله يې يو ملکي وګړی هم ووژل شو.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.