ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ښرنه کې د نجونو یوه ښوونځي ته ودانۍ جوړه شوه

ښرنه کې د نجونو یوه ښوونځي ته ودانۍ جوړه شوه

author avatar
13 Sep 2017 - 16:41
ښرنه کې د نجونو یوه ښوونځي ته ودانۍ جوړه شوه
author avatar
13 Sep 2017 - 16:41

ښرنه (پژواک، ٢٢ وږى ٩٦): د څه باندې نهه ميليونه افغانيو په لګښت د پکتيکا په مرکز کې د نجونو يو ښوونځی تر جوېدو وروسته ګټې اخيستنې ته وسپارل شو.

د وږي په ٢٢مه د اړوندې موضوع په اړه جوړ شوو مراسمو ته د مرکز ښرنې د عمبرخېلو ښوونځي ښوونکي محمد امين وويل چې دغه ښوونځي پخوا ودانۍ نه درلوده او زده کوونکو يې تر شنه اسمان لاندې زده کړې کولې.

هغه وويل: ((کومه ورځ چې به باد او باران و، نو بيا شاګردان مکتب ته نه راتلل خو اوس ښه شو چې دغه ودانۍ يې جوړه شوه.))

د هغه د معلوماتو له مخې، پر دغه ښوونځي د سويډن کمېټې له لوري ٩،٥ ميليونه افغانۍ لګول شوې دي.

د يوې زده کوونکي پلار شېرجان پژواک ته وويل چې د دغه ښوونځي د ودانۍ له جوړېدو سره به اوس د دوى اولادونه په سمه توګه زده کړې وکړي.

هغه زياته کړه: ((هم د امنيت له پلوه ښه شو او هم زموږ د بچيانو دا بهانه خلاصه شوه چې باران دى نه ځو.))

دغه راز په ياده غونډه کې د سويډن کمېټې د تخنيکي پروژو استازي دادمحمد وويل چې دغه ښوونځى شپږ درسي خونې، درې اداري خونې، پنځه تشنابونه او د احاطې دېوال لري چې په اساسي ډول جوړ شوي.

د هغه په وينا، د ښوونځي د جوړونې چارې کوم شرکت ته نه وې ورکړل شوې، د همدې کمېټې له خوا پر مخ وړل شوې دي.

د پکتيکا د پوهنې رياست د چارواکو د معلوماتو له مخې، د دغه ولايت اويا سلنه ښوونځي ودانۍ نه لري او زده کوونکي يې تر شنه اسمان لاندې زده کړې کوي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.