فيض اباد (پژواک ٣ تله ٩٦): د بدخشان په مرکز فيض اباد کې په ترافيکي پېښه کې ١٤ کسانو ته مرګ ژوبله اوښتې ده.
د والي وياند نېک محمد نظري، پژواک خبري اژانس ته وويل چې دغه پېښه نن غرمه کابو يوه بجه د فيض اباد ښار د اتمې حوزې اړوند د يفتل بالا په اړوندې سيمه کې شوې ده.
ده زياته کړه، يو فلاينکوچ ډوله موټر چې ١٦ سپرلۍ په کې وې، له يفتل بالا څخه د فيض اباد ښار په لور روان و، چې په ګُرکشان سيمه کې د لارې د ويجاړتيا او د سرک د تنګوالي له امله يوې کندې ته غورځېدلى دى.
د هغه په وينا، په دې پېښه کې د يوه ماشوم په ګډون ٨ تنه مړه شوي او د دوو ښځو او دوو ماشومانو په ګډون ٦ تنه ژوبل دي.
دى وايي، ټپيان ولايتي روغتون کې تر درملنې لاندې دي، خو د څلورو تنو روغتيايي حالت نازک دى.
د يادولو ده چې د هلمند په واشېر ولسوالۍ کې هم، نن سهار د ترافيکي پېښې له امله شپږ کسان مړه او ١٧ نور ټپيان شوي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن