د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د خواهان ولسوالۍ امنيې قوماندان د بډو اخيستو په تور ونيول شو

د خواهان ولسوالۍ امنيې قوماندان د بډو اخيستو په تور ونيول شو

Nov 13, 2017 - 18:45

فيض اباد(پژواک،٢٢لړم٩٦): سرچينې وايي چې د بدخشان ولايت د "خواهان" ولسوالۍ امنيې قوماندان د بډو اخيستو په تور نيول شوى دى.

یوې سرچينې چې نه يې غوښتل نوم يې واخيستل شي وويل چې د خواهان ولسوالۍ امنيې قوماندان نجيب الله حاجي زاده نن د بډې اخيستو په تور نيول شوى دى.

خو سرچينې په دې اړه نور جزييات ور نه کړل.

له بلې خوا د بدخشان د امنيې قوماندان د امنيت امر سمونوال محمد نبي بيان وويل چې نجيب الله حاجي زاده د دغه ولايت په محکمه کې دوسيه درلوده.

هغه زياته کړه:" نوموړي پخوا په محکمه کې دوسيه درلوده او د همغې دوسيې په اړه نن محکمې ته ور بلل شوى و، کله چې هغه محکمې ته ورځي، څارنوالي له محکمې غواړي چې هغه ونيسي."

 بيان په دې اړه د جزيياتو له ورکولو ډډه وکړه؛ خو زياته يې کړه چې حاجي زاده اوس په زندان کې دى.

د پژواک خبريال هڅه وکړه چې په دې اړه د بدخشان د محکمې نظر هم واخلي خو له پرله پسې اړيکو سره سره يې د دغې ادارې نظر ترلاسه نه شواى کړى.

ورته راپورونه:

نظر ورکړئ

اعلانونه

Advertisement