د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

اندونیزیا د افغانستان ستونزې په هوارولو کې همکاري وښوده

اندونیزیا د افغانستان ستونزې په هوارولو کې همکاري وښوده

Nov 21, 2017 - 14:42

کابل (پژواک، ٣٠ لړم ٩٦): د اندونيزيا ولسمشر وايي چې د سولې، پخلاينې او قومي توپيرونو د ستونزو هوارولو په برخو کې له افغان حکومت سره خپلې تجربې شريکوي او ورسره مرستې کوي.

د اندونيزيا د بهرنيو چارو وزارت يوې سرچينې د لړم په ٣٠مه پژواک خبري اژانس ته وويل چې ولسمشر جوکو ويدودو دغه څرګندونې پرون په پلازمېنه جاکارتا کې د افغان سولې عالي شورا له پلاوي سره د ليدنې پر مهال کړې دي.

د افغانستان د سولې عالي شورا د مشر کريم خليلي په مشرۍ يو لوړ پوړى پلاوى دوه ورځې مخکې اندونيزيا ته تللى دى.

سرچينې زياته کړې چې د اندونيزيا له ولسمشر سره په دې ليدنه کې د دغه هېواد مرستيال ولسمشر او ګڼ شمېر نورو چارواکو برخه درلوده.

د اندونزيزيا ولسمشر جوکو ويديدو په دې ليدنه کې د افغان پلاوي د هرکلي تر څنګ وويل، هېواد يې چمتو دى د سولې په پروسه کې له افغان حکومت سره مرسته وکړي.

هغه زياته کړې: "موږ غواړو چې د افغان سولې او پخلاينې په پروسه کې خپل رول ترسره کړو، زه به د افغانستان له غوښتنو سره سم مرسته او همکاري کوم او اندونيزيا چمتو ده چې په دې اړه د افغان لوري غوښتنو ته مثبت ځواب ووايي."

جوکو ويديدو ويلي، هېواد يې دې ته هم چمتو دى، د سولې، شخړو او د قومي توپيرونو په برخه کې خپلې تجربې له افغان حکومت سره شريکې کړو.

اندونيزيا ته تر روانېدو مخکې د افغان سولې عالي شورا منشي امين الدين مظفري پژواک خبري اژانس ته ويلي وو چې د اندونيزيا يوه ولايت له خپل حکومت سره ٤٠ کاله جنګونه کړي، خو وروسته يې شخړه د سولې د خبرو اترو له لارې هواره شوه.

د نوموړي په وينا، د سولې عالي شورا غواړي چې د سولې په اړه د اندونيزيا له دې تجربې په ګټې اخيستنې په افغانستان کې د سولې پروسه ګړندۍ کړي.

بلخوا په کابل کې د اندونيزيا سفارت د افغانستان او اندونيزيا ولسمشرانو په جاکارتا کې د ليدنې پر مهال د سولې په پروسه کې د همکاريو او د سولې شورا د پلاوي د سفر پرېکړه کړې وه.

سرچينې زياته کړې وه چې له دغه سفر څخه موخه د سولې او ملي پخلاينې په برخه کې د يو بل له تجربو ګټه اخيستنه ده.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement